Казан Россия һәм Үзбәкстан арасында III регионара хезмәттәшлек форумын кабул итә

Казан Россия һәм Үзбәкстан арасында III регионара хезмәттәшлек форумын кабул итә

<p> </p> <div class="detail-picture"> <img src="/upload/iblock/526/526c5740c0f9080d782374b7cade55b9.jpg"> <p class="detail-picture__caption"> Фото: Денис Гордийко  </p> </div> <p> (Казан шәһәре KZN.RU, 4 нче октябрь). Бүген Казанда Россия һәм Үзбәкстан арасында III регионара хезмәттәшлек форумы старт алды. Чара 700 дән артык бизнес вәкилен, Россиянең 19 төбәге һәм Үзбәкстанның 12 төбәге вәкилләрен берләштерәчәк. </p> <p> Форумда Россия делегациясен РФ Хөкүмәте Рәисе урынбасары – РФ сәнәгать һәм сәүдә министры Денис Мантуров җитәкләргә планлаштыра. Бу көнне шулай ук Үзбәкстан Республикасы премьер-министры урынбасары Жамшид Ходжаевның визиты көтелә. Форумда Татарстан Республикасы Президенты Рөстәм Миңнеханов катнашачак. Ә 5 нче октябрьдә Татарстанга һәм аның башкаласына беренче тапкыр Үзбәкстан Президенты Шәүкәт Мирзиеевның килүе көтелә.  </p> <p> Форум Россия һәм Үзбәкстан төбәкләре, эшлекле даирәләр һәм оешмалар арасында практик хезмәттәшлекне киңәйтү өчен үткәрелә. Ул икътисад өлкәсендә иң масштаблы ике яклы иҗтимагый чараларның берсе булып тора.  </p> <p> Эшлекле программа пленар утырыш үткәрүне, шулай ук дүрт тематик панель сессиясе эшен күздә тота. Транспорт-логистика, сәнәгать, туристлык һәм яшьләр өлкәләрендә ике яклы хезмәттәшлекне киңәйтү турында фикер алышу планлаштырыла, дип хәбәр итә РФ Икътисади үсеш министрлыгы.  </p> <p> Чара кысаларында Россия-Үзбәкстан һәм Үзбәкстан-Россия эшлекле советларының уртак утырышы планлаштырылган, эшлекле даирәләр өчен элемтәләр биржасы, шулай ук «Россия һәм Үзбәкстан: үсеш өчен яңа мөмкинлекләр» темасына күргәзмә эшләячәк. </p>

2023-10-04T11:20:00+0300