Казан бильярд спорты буенча Россия чемпионатын кабул итәчәк

Казан бильярд спорты буенча Россия чемпионатын кабул итәчәк

<div class="detail-picture"> <img src="https://kzn.ru/upload/iblock/576/print_3569747_2731714-870.jpg"> <p class="detail-picture__caption"> Фото: Татарстан Республикасы Спорт министрлыгы </p> </div> <p> (Казан шәһәре KZN.RU, 31 нче март). 18-24 нче апрельдә Казанда бильярд спорты буенча «Свободная пирамида с продолжением» дигән Россия ачык чемпионаты узачак. </p> <p> Турнирда илнең иң көчле спортчылары катнашачак, алар арасында Россия чемпионы исемен генә түгел, ә ноябрьдә Оренбургта узачак пирамида буенча дөнья чемпионатына сигез туры юллама да уйнатылачак, дип хәбәр итә ТР Спорт министрлыгы матбугат хезмәте. </p> <p> Турнир программасы нигезендә, ярышларны ачу 19 нчы апрельдә 11:00 сәгатьтә булачак, аннары беренче уеннар узачак. 20-22 нче апрельдә 10:00 сәгатьтә төп ярышлар башлана. 23 нче апрельдә 12:00 сәгатьтә финал очрашуы була, ә 16:00 сәгатьтә – нәтиҗәләр чыгару һәм бүләкләү. </p> <p>   </p>

2022-03-31T14:19:00+0300