Казан һәм Бохтар турыдан-туры авиарейслар бәйләячәк

Очышлар пәнҗешәмбеләр буенча башкарылачак

Татарстан башкаласын һәм Таҗикстанны яңа халыкара рейслар тоташтырачак. Казаннан Бохтарга даими очышлар 12 сентябрьдән планлаштырылган.

Рейсларда 189 пассажирны сыйдыра торган Boeing 737-800 лайнерлары эшли. Авиаташучы булып Nordwind компаниясе булачак.

Очышларны пәнҗешәмбеләр буенча башкарачаклар. Юлда вакыт 3,5 сәгатькә якын тәшкил итәчәк, дип хәбәр итә Казан аэропортының матбугат хезмәте.

Казаннан Бохтарга 3:20 сәгатьтә очып китәргә була, килү 8:45 тә көтелә. Кире юнәлештә лайнер 10:15 тә китәчәк һәм ТР башкаласында 11:50 дә булачак. Һәр аэропорт өчен җирле вакыт күрсәтелгән.

Исегезгә төшерәбез, 28 сентябрьдән турыдан-туры очышлар Казан белән Шанхайны бәйләячәк.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар