Казанны фотограф Тимур Һадиев күзлегеннән «Мәскәү» мәдәни үзәгендә узачак «Югалган элемтәләр» күргәзмәсенә килүчеләр күрә алачак

Экспозиция 9-нчы ноябрь көнне ачыла.

Фото: Денис Гордийко

(Казан шәһәре KZN.RU, 20-нче октябрь). 9-нчы ноябрьдә Казанның «Мәскәү» мәдәният үзәгендә фотограф Тимур Һадиевның «Югалган элемтәләр» исемле шәхси күргәзмәсе ачыла. Экспозициягә автор өчен төп ике жанрдагы әһәмиятле эшләр керәчәк – портрет һәм пейзаж. Төп төшерү объектлары – шәһәр һәм шәһәр кешеләре.

Тимур Һадиев Казанда яши һәм эшли. Аның эшләре Санкт-Петербургтагы Рус музее коллекциясендә, Мәскәү һәм Казандагы шәхси коллекцияләрдә урнашкан.

Фотоэшләрнең авторы шәһәрнең социаль һәм физик үзгәрешләренә игътибар итә. Ул балачакта әтисе – фотограф Наил Һадиев белән йөргәндә иске Казанның китеп баруын тойганлыгын искә ала. Эшләрдә авторны узып баручы чорның матурлыгы темасы кызыксындыруы күренә.

Күргәзмә кысаларында шулай ук килүчеләр өчен башка чаралар – артист-ток һәм авторлык экскурсияләре үткәреләчәк.

Күргәзмәнең рәсми ачылышы 9-нчы ноябрь көнне 19:00 сәгатьтә була. Ачылыш тантанасына керү ирекле. 13-нче һәм 20-нче ноябрь көнне 15:00 сәгатьтә күргәзмә буенча авторлык экскурсияләре узачак. Тимур Һадиев белән артист-ток 30-нчы ноябрь көнне 19:00 сәгатьтә булачак.

Күргәзмә көн саен 10:00 сәгатьтән 17:00 сәгатькә кадәр эшләячәк, дип хәбәр итә RE’ACTOR арт-резиденциясе. Тулырак мәгълүматны социаль челтәрләрдә ачыкларга мөмкин.

Шулай ук укыгыз

Барлык яңалыклар