Казанның «Черек күл» паркындагы шугалак 20 декабрьдә ачыла

Шәһәрлеләр бозда дүшәмбедән җомгага кадәр – 13.00 сәгатьтән 22.00 сәгатькә кадәр, шимбә һәм якшәмбе көннәрендә - 10.00 сәгатьтән 22.00 сәгатькә кадәр шуа алачаклар.

(Казан шәһәре KZN.RU, 17-нче декабрь). 20-нче декабрь 18.00 сәгатьтә Казанның «Черек күл» паркындагы шугалакның техник ачылышы була.

Шәһәрлеләр бозда дүшәмбедән җомгага кадәр – 13.00 сәгатьтән 22.00 сәгатькә кадәр, шимбә һәм якшәмбе көннәрендә - 10.00 сәгатьтән 22.00 сәгатькә кадәр йөри алачаклар. Техник тәнәфес - 15.00 сәгатьтән 15.45 сәгатькә кадәр.

«Черек күл» паркында тимераякны прокатка алу, «фигурист ярдәмчесе»н, балалар аяк киеменә накладкалар һәм әйберләрне саклау өчен шкафчик арендалау мөмкин булачак.

Шугалакны рәсми ачу турында соңрак хәбәр ителәчәк, диелә Татарстан җәмәгать киңлекләрен үстерү программасының Instagram-аккаунтында.

Яңа ел бәйрәмнәрендә шугалакның эш режимы үзгәрәчәк. Өстәмә сорауларны шугалак ачылу тантанасыннан соң түбәндәге телефон аша бирергә мөмкин: +7(843)215-74-00.

Исегезгә төшерәбез, бу кышкы сезонда Казанда 78 хоккей тартмасы, 19 шугалак, 12 чаңгы базасы һәм 8 яктыртылган чаңгы трассасы эшләячәк. Аларның адреслары һәм эш графигы белән сылтама буенча танышырга мөмкин.

Шулай ук укыгыз

Барлык яңалыклар