«Трудовые резервы» стадионында 28 ноябрьдә шугалак ачыла

Кунаклар өчен бүләкләр уйнату һәм бәйрәм программасы әзерлиләр

Иртәгә, 28 ноябрьдә, «Трудовые резервы» стадионында шугалак ачыла. Барлык теләүчеләр өчен тимераяк прокаты булачак, шулай ук үз тимераякларың белән дә килергә мөмкин.

Кунаклар өчен бүләкләр уйнату һәм музыкалы бәйрәм программасы әзерләнәчәк, дип хәбәр иттеләр физик культура һәм спорт комитеты матбугат хезмәтендә.

Прокат пункты 17:30 да ачылачак, ә күңел ачу программасы 18:00 дә старт ала. «Трудовые резервы» стадионы Горький паркында урнашкан.

Исегезгә төшерәбез, кыш көне казанлыларга тимераякта шуу өчен 100 дән артык урын, шул исәптән хоккей тартмалары, боз сарайлары һәм ачык шугалаклар булачак. Бу атнада «Ракета» стадионында боз аренасын ачу планлаштырыла. Биредә капиталь ремонт нәтиҗәсендә сыйфатлы ясалма боз салу мөмкинлеге туды, аның кысаларында яңа суыту станцияләре сатып алынды.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар