Атна ахырына Татарстанда суыта

Урыны белән бераз яңгырлар вәгъдә итәләр

Бүген төнлә һәм иртәгә көндез Казанда алмашынучан болытлы һава, сизелерлек явым-төшемсез көтелми. Җил көнчыгыштан, тизлеге секундына 5-10 метр, урыны белән 13 метрга кадәр.Термометр баганалары тәүлекнең караңгы вакытында 0..+2 градус күрсәтәчәк. Көндез һава +15..+17 градуска кадәр җылыначак, дип хәбәр иттеләр ТР Гидрометүзәгендә.

Тулаем республика буенча алдагы тәүлектә, 1 апрельдә, төнлә сизелерлек явым-төшем көтелми. Көнбатыш районнарда көндез урыны белән бераз яңгыр явачак. Һава температурасы төнлә +2 дән -3 градуска кадәр, көнчыгышта урыны белән -6 градуска кадәр салкын булыр, дип фаразлана. Көндез 12-17 градус җылы булачак.

Чәршәмбе, 2 апрельдә, урыны белән яңгырлар булыр, дип фаразлана. Төнлә һаваның минималь температурасы +1..+6, көндез +11..+16 (ТР көнчыгышында +19 градуска кадәр) градус булачак.

Пәнҗешәмбе, 3 апрельдә урыны белән бераз яңгырлар ява. Төнлә һава температурасы +1..+6 градус булачак, көндез +7..+12 градустан югары булмаячак.

ТР Гидрометүзәгенең якынча фаразлары буенча, җомга, 4 апрельдә һәм шимбә, 5 апрельдә урыны белән бераз яңгыр явачак. Төнлә һава температурасы -2..+3 градус тәшкил итәчәк. Көндез һава +8..+13 градуска кадәр җылыначак.

Шулай ук укыгыз

Барлык яңалыклар