Казаннан Хайнань утравына туры авиарейслар җибәрәчәкләр

Казаннан Хайнань утравына туры авиарейслар җибәрәчәкләр

<p> Аэрофлот Казаннан Кытайның Санья курортына (Хайнань утравы, Кытай) туры рейслар программасын башлап җибәрә. Очышлар 21 марттан башлана. </p> <p> Габдулла Тукай исемендәге «Казан» халыкара аэропортыннан курортка җомга көннәрендә китәргә мөмкин булачак. Кире юнәлештә очышларны дүшәмбе көннәрендә оештыралар. Билетлар инде сатуда. </p> <p> 31 марттан һәр атна саен була торган икенче рейс өстәләчәк . Ул Казаннан дүшәмбе һәм кире юнәлештә җомга көннәрендә очачак, дип хәбәр иттеләр Казан аэропорты матбугат хезмәтендә. </p> <p> Билетларны <a target="_blank" href="https://flights.aeroflot.ru/ru-ru/schedule">авиакомпаниянең</a> сайтында һәм мобиль кушымтасында, шулай ук мәгълүмат һәм броньлау үзәгенең тәүлек буе эшли торган телефоннары буенча +7(800)444-5555 (Россия буенча шалтырату бушлай), +7(495)223-55-55 (мобиль телефоннар өчен) мөрәҗәгать итеп, бронь ясарга һәм сатып алырга мөмкин. Моннан тыш, «Казан» <a target="_blank" href="https://sales.kazan.aero/">аэропортының</a> рәсми сайтында яки һава гаваненең мобиль кушымтасында «Билет сатып алырга» сервисыннан файдаланырга мөмкин. </p>

2025-02-21T13:28:00+0300