Казаннан Әбу-Дабига туры авиарейслар булачак

Казаннан Әбу-Дабига туры авиарейслар булачак

<p> Казан белән Әбу-Дабины даими туры авиарейслар тоташтырачак. 4 декабрьдән очышларны Etihad Airways компаниясе атнага өч тапкыр башкарачак. </p> <p> ТР башкаласыннан очышлар сишәмбе, пәнҗешәмбе һәм якшәмбе көннәрендә планлаштырыла. Пассажирлар юлда 4 сәгать 25 минут вакыт үткәрәчәк. </p> <p> Казан аэропорты матбугат хезмәте хәбәр иткәнчә, очышларда Airbus A320 тибындагы һава суднолары җәлеп ителәчәк. Даими рейсларны 2026 елның 19 апреленә кадәр башкару планлаштырыла. </p> <p> Исегезгә төшерәбез, «Казан» халыкара аэропорты бер ел эчендә 5 миллионнан артык пассажирга хезмәт күрсәтеп, үз рекордын <a href="https://kzn.ru/meriya/press-tsentr/novosti/kazanskiy-aeroport-obsluzhil-svyshe-5-millionov-passazhirov-pobiv-proshlogodniy-rekord/?lang=ta">куйды</a>. Бу күрсәткечкә 2023 елга караганда 18 көнгә иртәрәк ирешелгән. </p>

2025-07-07T13:04:42+0300