Казаннан Доминиканага очышлар яңартылды

Беренче рейс белән Атлантиканы 500-дән артык пассажир аркылы очты.

Фото: Марат Мугинов

(Казан шәһәре KZN.RU, 4-нче октябрь). «Казан» халыкара аэропортыннан Доминикана Республикасына очышлар яңартылды. Пандемия башланганнан соң беренче трансатлантик рейс 3-нче октябрьдә Ла-Роман курортына башкарылды. Борт 100% тулы иде – 524 пассажир.

Доминикана Республикасына самолетлар даими рәвештә ике атнага бер тапкыр очачак. Очыш программасын Boeing 777-300ER самолетларында AZUR air авиакомпаниясе үти.

Октябрьдә тагын 2 очыш планлаштырыла. Шулай ук көзге-кышкы сезонга программа формалаштырылган инде, дип хәбәр итә Казан аэропортының матбугат хезмәте.

Шулай ук укыгыз

Барлык яңалыклар