Казаннан Яр Чаллы һәм Пермьгә өстәмә рейслар ачыла

Автобуслар "Көнчыгыш" автовокзалыннан 29, 30 һәм 31 декабрьдә кузгалачак.

(Казан шәһәре KZN.RU, 19-нчы декабрь). Яңа ел алдыннан Казанның "Көнчыгыш" автовокзалы Чаллы һәм Пермьгә өстәмә рейслар ача.

Казаннан Авто шәһәргә автобус 29, 30 һәм 31 декабрьдә юл тотачак. Автобуслар һәр 2 сәгать саен кузгалачак. Юл 3 сәгать дәвам итәчәк.

Пермьгә автобуслар 30 декабрьдә 18.30 һәм 31 декабрьдә 8.00 сәгатьтә китәчәк. Юл вакыты якынча 12 сәгать тәшкил итәчәк, дип хәбәр итә ТР Транспорт һәм юл хуҗалыгы министрлыгы матбугат хезмәте.

Билетларны автовокзал сайтында яки "Көнчыгыш" автовокзалы" ҖЧҖ мобиль кушымтасы (ООО "Автовокзал "Восточный") аша сатып алырга мөмкин.

Шулай ук укыгыз

Барлык яңалыклар