Казаннан аэропортка 15 һәм 18 мартта өстәмә электричкалар билгеләнәчәк

Бу «Казан Экспо» ХКҮдә чаралар уздыруга бәйле

15 һәм 18 мартта Татарстан башкаласыннан аэропортка өстәмә шәһәр яны поездлары билгеләнәчәк. Бу «Казан Экспо» ХКҮдә концертлар уздыру белән бәйле.

Иртәгә, шимбә көнне һәм киләсе атнада сишәмбе көнне 7602 номерлы электричка Казан станциясеннән 18:04 сәгатьтә китәчәк һәм Аэропорт станциясенә 18:24 сәгатьтә килеп җитәчәк. Кире юнәлештә пассажирлар 7603 нче составында 21:42 сәгатьтә китә алачак. Татарстан башкаласында ул 22:08 дә булачак.

Поездлар арадаш тукталышларсыз йөриячәк, дип хәбәр иттеләр «Содружество» АҖ матбугат хезмәтендә.

Барлык маршрутлар буенча тулырак мәгълүматны шәһәр яны пассажир компаниясе сайтында, «Россия тимер юллары пассажирларга» мобиль кушымтасында яисә +7(937)625-04-33 телефоны буенча белергә була (шалтыратулар тәүлек буе кабул ителә).

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар