Бу атнада Казан балаларына кушылган иң сирәк исемнәр Гыймран, Эмили, Җәүдәт һәм Юта булды

Узган атнада Казан Гражданлык хәле актларын теркәү бүлекләрендә 173 малай һәм 186 кыз тууы теркәлде.

(Казан шәһәре KZN.RU, 21-нче февраль). Узган атнада, 10-16-нчы февраль көннәрендә, Казан шәһәре Гражданлык хәле актларын теркәү бүлекләрендә 359 бала: 173 малай һәм 186 кыз тууы теркәлде. Иң яшь анага һәм атага - 19 яшь. Иң өлкән ананың яше – 47, иң өлкән атаның яше - 52. Бала туганда минималь авырлык 1200 грамм, ә максималь авырлык 4940 грамм тәшкил итте, дип хәбәр итә Казан шәһәре Гражданлык хәле актларын теркәү идарәсе. Бу атнада кушылган балалар исемнәре арасында иң популярлары - Марк, Амелия, Артем, Алинә, София, Варвара, Салават. Әти-әниләре кушкан иң сирәк исемнәр: Гыймран, Эмили, Җәүдәт, Каюм, Юта, Амелита, Анесса, Омар. Шул ук вакыт аралыгында шәһәр Гражданлык хәле актларын теркәү бүлекләрендә 137 пар үз никахларын теркәде.

Шулай ук укыгыз

Барлык яңалыклар