Илсур Метшин: «Сез сайлаган һөнәр – иң катлаулы өлкәләрнең берсе, әмма шул исәптән күркәм, кызыклы һәм җаваплы»

Илсур Метшин: «Сез сайлаган һөнәр – иң катлаулы өлкәләрнең берсе, әмма шул исәптән күркәм, кызыклы һәм җаваплы»

<p> </p> <div class="detail-picture"> <img src="https://kzn.ru/upload/iblock/855/mer_new870.jpg"> <p class="detail-picture__caption"> Фото: Казан шәһәре KZN.RU </p> </div> (Казан шәһәре KZN.RU, 27 нче сентябрь). Казан Мэры Илсур Метшин мәктәпкәчә белем бирү учреждениеләре хезмәткәрләрен Тәрбиячеләр көне белән котлады. <p> </p> <p> «Хөрмәтле мәктәпкәчә белем бирү учреждениеләре хезмәткәрләре! </p> <p> Тәрбиячеләр һәм барлык мәктәпкәчә белем бирү учреждениеләре хезмәткәрләре көне уңаеннан ихлас күңелдән тәбрик итәм! </p> <p> Бүгенге дөньяда һәр баланың язмышы өлкәннәрнең зирәклегенә, игелегенә һәм сабырлыгына бәйле. Шуңа күрә сез сайлаган һөнәр, әлбәттә, иң катлаулы өлкәләрнең берсе, әмма шул ук вакытта күркәм, кызыклы һәм җаваплы. Республикабызның һәм илебезнең киләчәге сезнең педагогик осталыгыгызга, хезмәт сөючәнлегегезгә һәм балаларга аерым игътибар бирүегезгә бәйле. </p> <p> Баланы мәктәпкәчә белем бирү учреждениесенә биреп, ата-аналар анда уңайлы һәм яхшы мөгамәлә булуына ышанырга тиеш. Шуңа күрә балаларны яратучан, алар белән уртак тел таба, талантларны һәм сәләтләрне үстерә белгән кешеләр булуы бик мөһим. </p> <p> Балалар бакчасы – мөһим этап, чөнки ул баланың алдагы белем дәрәҗәсендә уңышка нигез сала. Быел Казанның мәктәпкәчә учреждениеләрендә 76 меңнән артык сабый тәрбияләнә, анда тәрбиячеләр белән бергә балалар әйләнә-тирә дөньяны аңларга һәм тоярга, яхшылыкны явызлыктан аерырга өйрәнәләр, кечкенә һәм зур җиңүләргә беренче адымнарын ясыйлар. </p> Сезнең көндәлек хезмәтегез, сабырлыгыгыз һәм һөнәрегезгә тугрылыгыгыз<br> өчен зур рәхмәтемне белдерәм. Сезгә киләчәктә дә һөнәри өлкәдә уңышлар, ныклы<br> сәламәтлек, бәхет, иминлек, илһам, иҗат шатлыгы һәм балаларның мәхәббәтен телим!»<br> – диелә котлауда.

2022-09-27T10:11:11+0300