Илсур Метшин Казан һәм Татарстан митрополиты Кирилл белән очрашты

Шәһәр Мэры Татарстан һәм аның башкаласы яңа хаким өчен туган йортка әвереләчәгенә ышаныч белдерде.

Фото: Денис Гордийко

(Казан шәһәре KZN.RU, 29-нчы декабрь). Казан Мэры Илсур Метшин Казан һәм Татарстан митрополиты Кирилл белән очрашты. Очрашу шәһәр Башкарма комитетында узды. Шәһәр башлыгы Татарстан һәм аның башкаласы митрополиясенең яңа башлыгы өчен туган йортка әверелер, дигән ышаныч белдерде.

Илсур Метшин хакимне сәламләде һәм Татарстан митрополиясен акыллы, зур тәҗрибәле кеше җитәкләде, дип ассызыклады. «Шундый хикмәтле акыл белән эш иткән кешене безнең православие җәмгыятенә җибәрүләре өчен рәхмәт. Безнең өчен бу мөһим, чөнки без үз җиребездә гасырлар буе милләтара татулыкны алга сөрәбез. Бездә барлык милләт вәкилләре үзара тату яши. Татарстан сезнең өчен туган йортка әверелсен», - дип мөрәҗәгать итте митрополит Мэрга.

Шәһәр башлыгы митрополит Кирилл митрополит Феофан эшен лаеклы дәвам итәр дигән өметен белдерде. «Сездән алда хезмәт иткән хаким Феофан якты эз калдырды, аның тарафыннан җайга салынган зур эш башкарылды. Мөселман булуыбызга карамастан, ул безне күп нәрсәгә өйрәтте, безнең өчен рухи якын кеше булды», - диде Илсур Метшин.

Аллаһы Тәгалә безнең догаларны ишетсен, безне сакласын. Төрле телләрдә Аллаһка дога кылабыз, ләкин бер үк әйбер сорыйбыз, зур могҗиза көтәбез, кәбисә елы бөтен начарлыкларны үзе белән алып китсен һәм киләсе ел җиңелрәк һәм бәхетлерәк булсын иде», - дип билгеләде шәһәр башлыгы.

Үз чиратында митрополит Кирилл ярдәм өчен рәхмәт белдерде. «Ходай ярдәме, сезнең һәм яхшы кешеләр теләктәшлеге белән миннән алда алып барылган бөтен эшләр дәвам ителер. Моңа омтылачакбыз. Казан һәм Татарстан - ул үзенә җәлеп итә торган урын, иң мөһиме - биредә эшләүгә лаеклы булырга», - диде митрополит Кирилл.

Исегезгә төшерәбез, Казанда 45 православие гыйбадәт объекты, 24 якшәмбе мәктәбе, Рус православие чиркәвенең 1 рухи семинариясе эшли. Казан епархиясенең иң мөһим проектларыннан берсе - Казан Изге Ана иконасы соборын торгызу. 2015 елда Татарстан Республикасы Президенты тарафыннан соборны торгызу турында указ имзаланды. Эшләр ахырына якынлашып килә.