Илсур Метшин ишегалларын җыештыруның сыйфатын тәнкыйтьләде: «Дүрт сәгать эчендә бер генә урам җыештыруны да күрмәдем»

Халык ишегалларында кар чистарту сыйфатына зарлана

Фото: Денис Гордийко

Казан мэры Илсур Метшин урам җыештыручыларының эшен тәнкыйтьләде. Магистраль юлларны чистартуда сизелерлек алга китеш булуга карамастан, ишегалларында вәзгыять проблемалы булып кала бирә.

«Юл предприятиеләренең җайга салынган эше күренә – бу район башлыклары, МУПсе һәм Тышкы төзекләндерү комитеты башкарган хаталар буенча эш нәтиҗәсе. Юлларны җыештыру сыйфаты хәзер 2024 елга караганда югарырак, гәрчә эшче куллар элеккечә җитми. Мөрәҗәгатьләр күп килә, һәм иң күп проблемалар ишегалларында. Кичә кичке алтыдан унга кадәр дүрт сәгать эчендә мин бер генә урам чистартучыны да күрмәдем, бары тик техниканы гына. Бу Совет районы, Танкодром, Иске Татар бистәсе, үзәктә Һади Такташ, Павлюхин һәм башка урамнарга кагыла. Аларның эш режимы нинди икәнен белмим, әмма кешеләрнең ишегалларына шикаятьләре тулысынча нигезләнгән. Ат аунамаган җирдә кар ята дигән сүз бар», – диде Илсур Метшин.

Шәһәр башлыгы фикеренчә, ишегалларында чисталык идарәче компанияләрнең идарә итү сәләтләренә турыдан-туры бәйле.

«Шул ук вакытта идарәче компанияләр, урам чистартучылар һәм йорт буенча өлкәннәрнең үзара хезмәттәшлеге җайга салынган территорияләр дә бар. Бу хакта алдан кайгырткан урыннар чиста», – дип билгеләде мэр.

Исегезгә төшерәбез, бу кыш Казан урамнарыннан 1 млн тоннадан артык кар чыгарылган. Мондый нәтиҗә күп явым-төшемнәр белән бәйле: ел башыннан 128,2 мм теркәлгән. Бу соңгы унъеллыкның иң карлы кышларыннан берсе булган 2024 елның шул ук чоры белән чагыштырганда күбрәк (113,3 мм иде).

Фоторепортаж

Видеорепортаж

16.02.2026 13:38

Шулай ук укыгыз

Барлык яңалыклар