Илсур Метшин БМОның климат үзгәрүенә багышланган конференциясендә катнашты

Казан Мэры сәламәтлек мөмкинлекләре чикләнгән кешеләргә аерым игътибар бирергә чакырды

Фото: Марат Мөгыйнов

(Казан шәһәре KZN.RU, 4 нче декабрь). Казан Мэры, UNACLA президенты Илсур Метшин БМОның климат үзгәрүе турында «Күп яклы климат идарәсен ныгыту: җирле хакимият органнары вәкилләрен климат процесслары турында фикер алышуга җәлеп итү» конвенциясендә катнашучыларның 28 нче конференциясендә катнашты. «Берләшкән милләтләр һәм җирле хакимият» генераль секретаре Эмилия Сайз сессиянең модераторы булып чыгыш ясады.

Илсур Метшин үз чыгышында хәтта халыкара көн тәртибендәге кискен темалар фонында да дөнья җәмәгатьчелегенең климат саммитына карата зур кызыксынуын билгеләп үтте. Казан Мэры үзенең чыгышында сәламәтлек мөмкинлекләре чикләнгән кешеләр проблемасына аерым игътибар бирде. Аның сүзләренчә, климат үзгәрүенә каршы көрәшү чаралары сәламәтлек мөмкинлекләре чикләнгән кешеләрне исәпкә алып башкарылырга тиеш. Инклюзив мәдәният тулы социализация һәм барлык төркемнәрне җәмгыять тормышына кертү өчен шартлар тудыруны күздә тота.

Конференция эшендә шулай ук «Берләшкән милләтләр һәм җирле хакимият» президенты һәм Конья Мэры Угур Алтай, Утрехт башлыгы Шарон Дейксма, CLGF генераль секретаре Люси Слэк һ.б. катнашты.

Шулай ук укыгыз

Барлык яңалыклар