Илсур Метшин киберспорт өчен законнар базасы булдырырга тәкъдим итте

Илсур Метшин киберспорт өчен законнар базасы булдырырга тәкъдим итте

<p> </p> <div class="detail-picture"> <img src="https://kzn.ru/upload/iblock/346/34600ada682535bd9629d457a491af19.jpg"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 28 нче сентябрь). Казан Мэры Илсур Метшин киберспорт һәм киберспортчылар өчен законнар базасын булдыру кирәклеге турында белдерде. Инициатива II Казан халыкара юридик форумы барышында яңгырады. </p> <p> Аның сүзләренчә, планетаның 8 миллиард халкының 4 миллиарды киң полосалы интернетка керү мөмкинлегенә ия. Шул исәптән 2 млрд кешенең киберспортта катнашы бар. </p> <p> «Киберспорт һәм киберспортчылар өчен законнар базасын булдыру ихтыяҗы җиткәнен билгеләп үтәсем килә. Бу безнең тормышыбызда яңа күренеш, технология үсеше тенденциясенең логик дәвамы булып тора, һәм хәзер ул экзотика түгел, ә бөтен дөньядагы күп кенә яшьләр өчен чынбарлык», – диде Мэр. </p> <p> Киләсе елда ТР башкаласы тарихта беренче тапкыр «Киләчәк уеннары» халыкара мультиспорт ярышларын кабул итәчәк. Апрель аенда Мәскәү һәм Казанда ярышлар башланырга 300 көн кала кире исәпне <a href="https://kzn.ru/meriya/press-tsentr/novosti/v-moskve-i-kazani-zapustili-obratnyy-otschet-300-dney-do-starta-igr-budushchego/" target="_blank">эшләтеп җибәрделәр</a>. Бәшир Рәмиев исемендәге ИТ-парк каршындагы мәйданда узган тантанада РФ цифрлар министры Максим Шадаев, ТР Рәисе Рөстәм Миңнеханов һәм Илсур Метшин катнашты. </p> <p> II Казан халыкара юридик форумы Бәшир Рәмиев исемендәге ИТ-паркта <a href="https://kzn.ru/meriya/press-tsentr/novosti/chuychenko-krasheninnikov-i-korsik-priedut-na-ii-kazanskiy-mezhdunarodnyy-yuridicheskiy-forum-s-ucha/" target="_blank">уза</a>. Бу вакыйга хакимият органнары, юридик, педагогик һәм бизнес-берләшмәләр вәкилләрен, 10 илдән һәм 30 дан артык шәһәрдән галимнәрне берләштерә. </p>

2023-09-28T11:46:00+0300