Илсур Метшин БРИКС+ илләре шәһәрләр Ассоциациясенең оештыру җыелышы турында: «Дистәләгән мэрлар һәм берләшмәгә керергә теләүчеләр җавап бирде»

Чара спорт Уеннары көннәрендә узачак

21 нче июньдә Казанда БРИКС+ илләре Ассоциациясенең беренче оештыру җыелышы була. Бүгенге көндә Кытай, Бразилия, Төркия, Африка һәм БДБ илләре һәм башкалар җыелышта катнашу теләге белән җавап бирде. Бу хакта эшлекле дүшәмбедә ТР башкаласы мэры Илсур Метшин хәбәр итте.

«БРИКС илләре шәһәрләреннән дистәләгән мэрлар һәм бүгенге көнгә берләшмәгә керергә теләүчеләр җавап бирде. «Берләшкән шәһәрләр һәм җирле хакимият» ассоцияциясе белән эшләү тәҗрибәсе буенча без горизонталь муниципальара бәйләнешләрнең никадәр мөһим булуын яхшы беләбез. Бер-беребез белән очрашып, төрле шәһәрләргә кунакка йөреп, иң яхшы тәҗрибәләрне өйрәнәбез, аларны күпмилләтле колоритыбызны һәм климат шартларының үзенчәлекләрен исәпкә алып кулланабыз», — диде ул.

БРИКС+ илләре шәһәрләре ассоциациясенең беренче оештыру җыелышы спорт Уеннарын уздыру көннәрендә берләшү эгидасы астында узачак. Илсур Метшин бу елның февраленда, Мәскәүдәге РФ Тышкы эшләр министрлыгының Дипломатик академиясендә БРИКС илләренең илчеләре алдында чыгыш ясаганда, ассоциация оештыру турында игълан итте.