Яңалыклар

29.05.2025, 13:55

Илсур Метшин «Йөзьяшәрләр уеннары» турында: «Безнең өчен мөһим бүләк — пенсионерларның бу проектка җәлеп ителүчәнлеге арту»

Казанда быел 3,5 мең «тормыш сөюче» катнашкан икенче «Йөзьяшәрләр уеннары»ның ябылу тантанасы узды

Бүген «Трудовые резервы» стадионында икенче сезонны ябу һәм «Йөзьяшәрләр уеннары. Яшәү яме» спартакиадасы җиңүчеләрен бүләкләү булды. Өлкән яшьтәге катнашучылар арасында ун дисциплина буенча меңнән артык шәхси бүләк һәм 270 бүләк кубок уйнатылды. Җиңүчеләрне һәм призерларны бүген Башкарма комитет җитәкчесе урынбасары Гүзәл Сәгыйтова, ТР һәм РФ атказанган физик культура хезмәткәре Альберт Баһаветдинов, совет авыр атлетика буенча спортчы, ике тапкыр дөнья чемпионы Николай Колесников һәм фехтование буенча дөнья чемпионы Ольга Вощакина бүләкләделәр.

«Йөзьяшәрләр уеннары» — актив яшәү рәвешенең яшь чикләре булмавына ачык дәлил. Безнең проект, актив озак яшәү өлкәсендә иң яхшы тәҗрибәләрнең берсе булып, бөтенроссия дәрәҗәсендә танылу алды. Әмма безнең өчен иң зур бүләк — бу проектка пенсионерларның арта баруы, аларның яхшы бәяләмәләре һәм тулы тормыш белән яшәргә теләкләре. Без киләчәктә дә «Йөзьяшәрләр уеннары. Яшәү яме» проектын үстерәчәкбез һәм «алтын» яшьтәге кешеләрнең уңайлы, бай һәм кызыклы ялы өчен шартлар тудырачакбыз, һәркем вакытны файдалы уздыра, спорт белән шөгыльләнә һәм фикердәшләре дәирәсе була алсын өчен», – диде проект турында Казан мэры Илсур Метшин.

«Йөзьяшәрләр уеннары»ның икенче сезонында 3,5 мең Казан пенсионеры катнашты. Ярышларда тормыш сөючеләрне 2 меңнән артык җанатар хуплады. Пенсионерлар 10 спорт дисциплинасында көч сынаштылар: өстәл теннисы, шахмат, йөзү, чаңгы узышлары, волейбол, футбол, төньяк йөреш, шул исәптән яңалары – шашка, мини-волей Һәм «Иң тугры җанатарлар» номинациясендә.

Спартакиаданың икенче сезонында абсолют җиңүчеләр һәм күчмә кубок ияләре булып Вахитов районы командасы танылды, иң яхшы спортчылар дип «спорт горурлыгы» исеменә лаек булган 64 яшьлек Ринат Гатауллин һәм 57 яшьлек Лариса Авдеева танылды.

Икенче урынны Совет районы командасы алды, команданың иң яхшы катнашучылары Сергей Трифонов һәм Самира Йосыпова булды.

Казанның Авиатөзелеш районы пенсионерлары командасы бронза медаль ияләре булды, команданың горурлыгы дип Николай Мамонов һәм Лидия Саховская танылды.

«Йөзьяшәрләр уеннары»нда иң өлкән катнашучы Совет районыннан Наилә Тимирясова булды, быел ул 90 яшьлек юбилеен билгеләп үтә. Пенсионер ике дисциплинада – йөзү һәм төньяк йөрештә катнашкан. Катнашучыга «Йөзьяшәрләр уеннары легендасы» исеме бирелде.

«Мин гомерем буе спорт белән шөгыльләнәм, һәм гомерем буе чаңгыда йөгерәм, ел саен «Россия чаңгы юлында» катнашам һәм призлы урыннар алам. Балык Бистәсе бистәсендә Кама елгасы буенда үскәнгә йөзү белән шөгыльләнәм. «Яшәү яме» проектында минем катнашуым — «хәрәкәт – ул тормыш» дигән сүзләргә ышану. Мин барысына да яхшы күңелле, энергияле булырга һәм физкультура белән шөгыльләнергә киңәш итәм. Бүген мин Казан һәм «Йөзьяшәрләр уеннары» проекты өчен горурланам», — дип хис-кичерешләре белән уртаклашты Наилә Тимирясова.

Шулай ук Яңа Савин районының иң актив «тормыш сөючеләре» Геннадий Иванов һәм Татьяна Сочневаны, Мәскәү районының Айдар Миндубаев һәм Ләйлә Пестованы, Киров районының Илдус Хәбибуллин һәм Ирина Малахинскаяны, Идел буе районының Фәрхәд Кепечев һәм Ирина Лобзинаны бүләкләделәр.

Үзенең тәэсирләре белән «Яшәү яме» проектында катнашучы 70 яшьлек Любовь Байбакова уртаклашты. 7 ел дәвамында ул даими рәвештә минибол, скандинавия йөреше һәм гимнастика буенча күнегүләргә йөри. «Шәһәр җитәкчелегенә пенсионерлар турында шулай кайгыртулары өчен рәхмәт әйтәсем килә. Казанда безнең өчен даими чаралар үткәрелә. Алар пенсионерларга илһам бирә. Алар ярдәмендә без өйдә утырмыйбыз, бассейнга йөрибез. Бу бик шәп бит», — дип сөйләде Любовь Байбакова.

Катнашучылар арасында 70 яшьлек Хәния Талипова да бар иде, ул инде 3 ел тормыш сөю спорт чараларында катнаша. «Тормышны сөю – ул оптимизм, бу озын гомер, бу кәеф, бу дуслар белән очрашу шатлыгы. Ул безнең өчен генә түгел, шәһәр өчен дә мөһим. Пенсия яшендәге кешеләрнең өйдә утырмавы, спорт белән шөгыльләнүе, шуның белән шәһәрнең тонусын саклап калуы бик шәп. Бүген монда бик шатлыклы, күңелле атмосфера. Күптән күрешмәгәннәр белән очрашу бик күңелле булды», – дип шәрехләде Хәния Талипова.

Сәхнәдән проектта актив катнашучыларга һәм җанатарларга Казан мэры Илсур Метшин исеменнән Башкарма комитет җитәкчесе урынбасары Гүзәл Сәгыйтова мөрәҗәгать итте. Ул спортчыларны спартакиада тәмамлану белән котлады һәм актив катнашулары өчен рәхмәт белдерде.

«Безнең шәһәр елдан-ел сәламәтлек энергиясе, көч һәм спорт дәрте белән тула. Без Казанны Россиянең спорт башкаласы дип горурланып әйтә алабыз. Һәм, әлбәттә, монда сезнең зур роль, хөрмәтле тормыш сөючеләребез. Чөнки без сезгә карыйбыз, сездән өйрәнәбез һәм сезгә сокланабыз! Сезгә сәламәтлек, рухи көч, сезнең һәрберегез безнең өчен җиңүче инде. Спорт белән кызыксынуыгыз өчен рәхмәт. Узган ел сез 2 мең идегез, ә быел бездә 3,5 мең катнашучы бар инде. Безнең өчен бу да зур җиңү», – диде Гүзәл Сәгыйтова.

Альберт Баһаветдинов «Йөзьяшәрләр уеннары» спартакиадасының бөтен Казан өчен зур бәйрәм булуын билгеләп үтте һәм «алтын» яшьтәге казанлыларның, «Яшәү яме» проектында актив катнашучыларның үз мисалларында Казанның чыннан да спорт башкаласы булуын исбатлауларын ассызыклады.

«Бүген Казанда зур спорт бәйрәме, чөнки бүген без «спортта озак яшәү»нең нәрсә аңлатканын үз үрнәкләре белән күрсәткән кешеләрне бүләклибез. Мин барыгызны да сәламләвемә шатмын һәм барыгызга да бер генә теләгем бар – беркайчан да физик культурадан аерылмагыз һәм сәламәтлегегез югары дәрәҗәдә булачак, һәм сез һәрвакыт үзегезне, туганнарыгызны, якыннарыгызны һәм дусларыгызны сөендерәчәксез. Һәрнәрсәдә уңышлар сезгә, сәламәт булыгыз!», – диде Альберт Баһаветдинов.

Спортчылар һәм җанатарлар өчен концерт программасы белән «Болгар радиосы» премиясе иясе һәм «От Ыры» этник эстрада фестиваль-конкурсы лауреаты, музыкант Илгиз Шәйхразиев һәм «Болгар кызлары» триосы чыгыш ясады. Чара азагында лотерея билетларына кыйммәтле бүләкләр уйнатылды, шуннан соң инструктор Ирина Гутник катнашучылар белән зумба зарядкасы үткәрде.

Исегезгә төшерәбез, «Йөзьяшәрләр уеннары. Яшәү яме» 2023 елның октябрендә Казан мэры Илсур Метшин инициативасы белән башланды. «Яшәү яме» проекты ТР башкаласында 2016 елдан бирле гамәлгә ашырыла һәм өлкән яшьтәге казанлыларның актив яшәү рәвешен саклауга юнәлдерелгән. Беренче елда спартакиада 55 яшьтән өлкәнрәк 2000нән артык казанлыны берләштерде. 2025 елда «Йөзьяшәрләр уеннары. Яшәү яме» проектын «Сәламәт яшәү рәвеше» номинациясендә актив озын гомерлелекнең иң яхшы тәҗрибәләрен Бөтенроссия сайлап алуда җиңүче дип таныдылар.

Казанда барлыгы 286 меңнән артык пенсионер яши. 2024 елда «Йөзьяшәрләр уеннары. Яшәү яме» проекты кысаларында 1,7 мең чара һәм 6 мең дәрес үткәрелгән, анда 623 мең кеше булган, алар арасында 1,6 мең — яңа килгән катнашучылар. Чагыштыру өчен, проектның башлангыч этабында аена 800 кеше йөри иде, ә хәзер клубта 15 мең пенсионер даими катнаша.

«Йөзьяшәрләр уеннары. Яшәү яме» 2021 елда Россиянең иң яхшы муниципаль практикасына һәм «Демография» милли проектының партнерына әверелде. Бүген бу — үзеннән-үзе үсә торган бергәлек, анда катнашучылар үзләре укытучыга әвереләләр.

Исегезгә төшерәбез, ил төбәкләрендә «Актив озак яшәү» программалары «Гаилә» милли проекты буенча гамәлгә ашырыла.

Фоторепортаж

«Трудовые резервы» стадионында «Йөзьяшәрләр уеннары. Яшәү яме» спартакиадасының икенче сезонына йомгак ясалды

Видеорепортаж

29.05.2025 12:24

Шулай ук укыгыз

Барлык яңалыклар

Бүген «Трудовые резервы» стадионында икенче сезонны ябу һәм «Йөзьяшәрләр уеннары. Яшәү яме» спартакиадасы җиңүчеләрен бүләкләү булды. Өлкән яшьтәге катнашучылар арасында ун дисциплина буенча меңнән артык шәхси бүләк һәм 270 бүләк кубок уйнатылды. Җиңүчеләрне һәм призерларны бүген Башкарма комитет җитәкчесе урынбасары Гүзәл Сәгыйтова, ТР һәм РФ атказанган физик культура хезмәткәре Альберт Баһаветдинов, совет авыр атлетика буенча спортчы, ике тапкыр дөнья чемпионы Николай Колесников һәм фехтование буенча дөнья чемпионы Ольга Вощакина бүләкләделәр. «Йөзьяшәрләр уеннары» — актив яшәү рәвешенең яшь чикләре булмавына ачык дәлил. Безнең проект, актив озак яшәү өлкәсендә иң яхшы тәҗрибәләрнең берсе булып, бөтенроссия дәрәҗәсендә танылу алды. Әмма безнең өчен иң зур бүләк — бу проектка пенсионерларның арта баруы, аларның яхшы бәяләмәләре һәм тулы тормыш белән яшәргә теләкләре. Без киләчәктә дә «Йөзьяшәрләр уеннары. Яшәү яме» проектын үстерәчәкбез һәм «алтын» яшьтәге кешеләрнең уңайлы, бай һәм кызыклы ялы өчен шартлар тудырачакбыз, һәркем вакытны файдалы уздыра, спорт белән шөгыльләнә һәм фикердәшләре дәирәсе була алсын өчен», – диде проект турында Казан мэры Илсур Метшин. «Йөзьяшәрләр уеннары»ның икенче сезонында 3,5 мең Казан пенсионеры катнашты. Ярышларда тормыш сөючеләрне 2 меңнән артык җанатар хуплады. Пенсионерлар 10 спорт дисциплинасында көч сынаштылар: өстәл теннисы, шахмат, йөзү, чаңгы узышлары, волейбол, футбол, төньяк йөреш, шул исәптән яңалары – шашка, мини-волей Һәм «Иң тугры җанатарлар» номинациясендә. Спартакиаданың икенче сезонында абсолют җиңүчеләр һәм күчмә кубок ияләре булып Вахитов районы командасы танылды, иң яхшы спортчылар дип «спорт горурлыгы» исеменә лаек булган 64 яшьлек Ринат Гатауллин һәм 57 яшьлек Лариса Авдеева танылды. Икенче урынны Совет районы командасы алды, команданың иң яхшы катнашучылары Сергей Трифонов һәм Самира Йосыпова булды. Казанның Авиатөзелеш районы пенсионерлары командасы бронза медаль ияләре булды, команданың горурлыгы дип Николай Мамонов һәм Лидия Саховская танылды. «Йөзьяшәрләр уеннары»нда иң өлкән катнашучы Совет районыннан Наилә Тимирясова булды, быел ул 90 яшьлек юбилеен билгеләп үтә. Пенсионер ике дисциплинада – йөзү һәм төньяк йөрештә катнашкан. Катнашучыга «Йөзьяшәрләр уеннары легендасы» исеме бирелде. «Мин гомерем буе спорт белән шөгыльләнәм, һәм гомерем буе чаңгыда йөгерәм, ел саен «Россия чаңгы юлында» катнашам һәм призлы урыннар алам. Балык Бистәсе бистәсендә Кама елгасы буенда үскәнгә йөзү белән шөгыльләнәм. «Яшәү яме» проектында минем катнашуым — «хәрәкәт – ул тормыш» дигән сүзләргә ышану. Мин барысына да яхшы күңелле, энергияле булырга һәм физкультура белән шөгыльләнергә киңәш итәм. Бүген мин Казан һәм «Йөзьяшәрләр уеннары» проекты өчен горурланам», — дип хис-кичерешләре белән уртаклашты Наилә Тимирясова. Шулай ук Яңа Савин районының иң актив «тормыш сөючеләре» Геннадий Иванов һәм Татьяна Сочневаны, Мәскәү районының Айдар Миндубаев һәм Ләйлә Пестованы, Киров районының Илдус Хәбибуллин һәм Ирина Малахинскаяны, Идел буе районының Фәрхәд Кепечев һәм Ирина Лобзинаны бүләкләделәр. Үзенең тәэсирләре белән «Яшәү яме» проектында катнашучы 70 яшьлек Любовь Байбакова уртаклашты. 7 ел дәвамында ул даими рәвештә минибол, скандинавия йөреше һәм гимнастика буенча күнегүләргә йөри. «Шәһәр җитәкчелегенә пенсионерлар турында шулай кайгыртулары өчен рәхмәт әйтәсем килә. Казанда безнең өчен даими чаралар үткәрелә. Алар пенсионерларга илһам бирә. Алар ярдәмендә без өйдә утырмыйбыз, бассейнга йөрибез. Бу бик шәп бит», — дип сөйләде Любовь Байбакова. Катнашучылар арасында 70 яшьлек Хәния Талипова да бар иде, ул инде 3 ел тормыш сөю спорт чараларында катнаша. «Тормышны сөю – ул оптимизм, бу озын гомер, бу кәеф, бу дуслар белән очрашу шатлыгы. Ул безнең өчен генә түгел, шәһәр өчен дә мөһим. Пенсия яшендәге кешеләрнең өйдә утырмавы, спорт белән шөгыльләнүе, шуның белән шәһәрнең тонусын саклап калуы бик шәп. Бүген монда бик шатлыклы, күңелле атмосфера. Күптән күрешмәгәннәр белән очрашу бик күңелле булды», – дип шәрехләде Хәния Талипова. Сәхнәдән проектта актив катнашучыларга һәм җанатарларга Казан мэры Илсур Метшин исеменнән Башкарма комитет җитәкчесе урынбасары Гүзәл Сәгыйтова мөрәҗәгать итте. Ул спортчыларны спартакиада тәмамлану белән котлады һәм актив катнашулары өчен рәхмәт белдерде. «Безнең шәһәр елдан-ел сәламәтлек энергиясе, көч һәм спорт дәрте белән тула. Без Казанны Россиянең спорт башкаласы дип горурланып әйтә алабыз. Һәм, әлбәттә, монда сезнең зур роль, хөрмәтле тормыш сөючеләребез. Чөнки без сезгә карыйбыз, сездән өйрәнәбез һәм сезгә сокланабыз! Сезгә сәламәтлек, рухи көч, сезнең һәрберегез безнең өчен җиңүче инде. Спорт белән кызыксынуыгыз өчен рәхмәт. Узган ел сез 2 мең идегез, ә быел бездә 3,5 мең катнашучы бар инде. Безнең өчен бу да зур җиңү», – диде Гүзәл Сәгыйтова. Альберт Баһаветдинов «Йөзьяшәрләр уеннары» спартакиадасының бөтен Казан өчен зур бәйрәм булуын билгеләп үтте һәм «алтын» яшьтәге казанлыларның, «Яшәү яме» проектында актив катнашучыларның үз мисалларында Казанның чыннан да спорт башкаласы булуын исбатлауларын ассызыклады. «Бүген Казанда зур спорт бәйрәме, чөнки бүген без «спортта озак яшәү»нең нәрсә аңлатканын үз үрнәкләре белән күрсәткән кешеләрне бүләклибез. Мин барыгызны да сәламләвемә шатмын һәм барыгызга да бер генә теләгем бар – беркайчан да физик культурадан аерылмагыз һәм сәламәтлегегез югары дәрәҗәдә булачак, һәм сез һәрвакыт үзегезне, туганнарыгызны, якыннарыгызны һәм дусларыгызны сөендерәчәксез. Һәрнәрсәдә уңышлар сезгә, сәламәт булыгыз!», – диде Альберт Баһаветдинов. Спортчылар һәм җанатарлар өчен концерт программасы белән «Болгар радиосы» премиясе иясе һәм «От Ыры» этник эстрада фестиваль-конкурсы лауреаты, музыкант Илгиз Шәйхразиев һәм «Болгар кызлары» триосы чыгыш ясады. Чара азагында лотерея билетларына кыйммәтле бүләкләр уйнатылды, шуннан соң инструктор Ирина Гутник катнашучылар белән зумба зарядкасы үткәрде. Исегезгә төшерәбез, «Йөзьяшәрләр уеннары. Яшәү яме» 2023 елның октябрендә Казан мэры Илсур Метшин инициативасы белән башланды. «Яшәү яме» проекты ТР башкаласында 2016 елдан бирле гамәлгә ашырыла һәм өлкән яшьтәге казанлыларның актив яшәү рәвешен саклауга юнәлдерелгән. Беренче елда спартакиада 55 яшьтән өлкәнрәк 2000нән артык казанлыны берләштерде. 2025 елда «Йөзьяшәрләр уеннары. Яшәү яме» проектын «Сәламәт яшәү рәвеше» номинациясендә актив озын гомерлелекнең иң яхшы тәҗрибәләрен Бөтенроссия сайлап алуда җиңүче дип таныдылар. Казанда барлыгы 286 меңнән артык пенсионер яши. 2024 елда «Йөзьяшәрләр уеннары. Яшәү яме» проекты кысаларында 1,7 мең чара һәм 6 мең дәрес үткәрелгән, анда 623 мең кеше булган, алар арасында 1,6 мең — яңа килгән катнашучылар. Чагыштыру өчен, проектның башлангыч этабында аена 800 кеше йөри иде, ә хәзер клубта 15 мең пенсионер даими катнаша. «Йөзьяшәрләр уеннары. Яшәү яме» 2021 елда Россиянең иң яхшы муниципаль практикасына һәм «Демография» милли проектының партнерына әверелде. Бүген бу — үзеннән-үзе үсә торган бергәлек, анда катнашучылар үзләре укытучыга әвереләләр. Исегезгә төшерәбез, ил төбәкләрендә «Актив озак яшәү» программалары «Гаилә» милли проекты буенча гамәлгә ашырыла.