Илсур Метшин шәһәр буенча законсыз ябыштырылган белдерүләр турында: «Бу тәртипсезлекне туктатуны сорыйм»

Шәһәр башлыгы хәбәр иткәнчә, көн саен дүрт бригада контрольсез мәгълүматтан 3,3 мең багананы чистарта

Фото: Денис Гордийко

(Казан шәһәре KZN.RU, 21 нче август, Татьяна Марюхова). Бүген Мэриядә узган эшлекле дүшәмбедә шәһәр башлыгы Илсур Метшин реклама белдерүләренең шәһәрнең ут баганаларына, тукталыш павильоннарына, коймаларга һәм башка өслекләргә рөхсәтсез ябыштырылуын хәл итәргә кушты.

«Ялларда мин шәһәрдә бик күп белдерүләр ябыштырылганын күрдем. Махсус укыдым: нигездә, эшкә яллану турындагы белдерүләр», - диде ул.

Көн саен дүрт бригада шәһәрдә 3,3 мең багананы чистарту буенча эш алып бара – моңа бюджеттан айга ике миллионнан бераз кимрәк акча сарыф ителә.

«Бу акчаларны без башка кирәк-яракларга юнәлтсәк яхшырак булыр иде... Алар бер тиен дә сарыф итмиләр, шәһәрне чүплиләр. Төнлә ниндидер күзгә күренми торган бэтмен очып килми – безнең видеокүзәтү камераларыбыз бар. Моңа игътибар итегез, ләкин без алай итә алмыйбыз: бригада чүп-чар белән боза, моны законсыз рәвештә эшли, ә без моңа сүзсез генә карап торабыз. Зинһар, табыгыз һәм тиешле эшне башкарыгыз. Безнең халык һәм башкала кунакларына мәгълүмат җиткерүнең законлы форматлары бар. Теләсә нинди продуктны алга этәрү турындагы теләсә нинди мәгълүматны цивилизацияле рәвештә ясарга мөмкин. Бу тәртипсезлекне туктатуны сорыйм», - дип мөрәҗәгать итте Илсур Метшин Казанның Эчке эшләр идарәсе вәкиленә.

Ул әлеге мәсьәлә буенча фикер алышу өчен шәһәр районнары башлыклары, хокук саклау органнары һәм шәһәр хакимияте вәкилләре катнашында киңәшмә уздырырга кушты.