В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
27.03.2022, 09:25
Илсур Метшин: «Безнең шәһәр сәләтле артистлар һәм режиссерлар плеядасы белән дан тота»
Казан Мэры театр хезмәткәрләрен һөнәри бәйрәмнәре белән котлады.
Фото: Казан шәһәре KZN.RU
«Сезне чын күңелдән Бөтендөнья театр көне белән котлыйм! Театр – тамашачыларның йөрәкләрен бердәм ритмга көйли, халыкларны һәм буыннарны берләштерә ала торган сәнгать. Безнең шәһәр сәләтле артистлар һәм режиссерлар плеядасы белән дан тота. Аларның иңнәренә театр сәнгатен үстерү һәм саклау, тамашачыны әхлакый һәм эстетик кыйммәтләргә җәлеп итү, кешеләрдә гуманистик идеаллар тәрбияләү кебек күркәм миссия йөкләнгән.
Тамашачылар белән очрашулар бары тик онлайн форматта гына мөмкин булган яңа чынбарлыкны зур уңыш белән үттегез. Илебезнең мәдәниятен алга таба да үстерү өчен яңа идеяләр, иҗади эзләнүләр, экспериментлар һәм кызыклы проектлар белән янып яшәвегезгә ышанам.
Чын күңелдән сезгә уңышлар һәм барлык башлангычларны тормышка ашыру өчен бетмәс-төкәнмәс илһам телим! Сезнең тарафтан дөньяны бизәгән матурлык үз тормышыгызны да тулыландырып торсын. Сезгә һәм якыннарыгызга нык сәламәтлек, бәхет һәм иминлек юлдаш булсын!» – диелә котлауда.
Шулай ук укыгыз
-
29.07.2025, 10:11 -
29.07.2025, 09:27 -
28.07.2025, 17:30 -
28.07.2025, 16:40