Илсур Һадиуллин: «Казан һәрвакыт республика өчен мәгариф өлкәсендә дә, башка өлкәләрдә дә үрнәк булды»

Татарстан Республикасы Мәгариф һәм фән министрлыгы башлыгы сүзләренә караганда, чыгарылыш сыйныф укучылары тотрыклы югары нәтиҗәләр күрсәткән мәктәпләр үз курсларын эшли һәм хезмәттәшләрен укыта ала.

Фото: Денис Гордийко

(Казан шәһәре KZN.RU, 26-нчы август, Камилә Гобәйдуллина). БДИ буенча Татарстанның һәр икенче йөз балл җыйган укучысы Казан мәктәбен тәмамлаган. Быел ике фән буенча максималь баллны республиканың 11 укучысы җыйды, шуларның 7-се – Татарстан башкаласы укучылары. «Казан мәгариф өлкәсендә дә, башка өлкәләрдә дә республика өчен һәрвакыт үрнәк булды. Бүген без мәгариф нык фундаментта тора һәм үз нәтиҗәләрен бирә дип әйтә алабыз. Казан буенча БДИ нәтиҗәләре начар түгел, бигрәк тә пандемия елы өчен. Өстәвенә, шәһәрдә югары баллчылар саны артты», – дип билгеләп үтте август аеның шәһәр педагогика киңәшмәсендә ТР Мәгариф һәм фән министры Илсур Һадиуллин.

Татарстан Республикасы Мәгариф һәм фән министрлыгы башлыгы билгеләп үткәнчә, быел Казанда 831 чыгарылыш сыйныф укучысы аттестат алган, бу узган ел белән чагыштырганда, 52 кешегә күбрәк. «Елдан-ел яхшы нәтиҗәләр күрсәткән мәктәпләр бөтен республика өчен үрнәк булып тора. Әлеге уку йортларының идарә командалары инновацион чаралар үткәрергә һәм бу юнәлештә башка мәктәпләрне өйрәтү өчен үз курсларының авторлары булырга тиеш», – дип саный И.Һадиуллин.

Казан Мәгариф идарәсе җитәкчесе Ирек Ризванов сүзләренә караганда, быел рус теле буенча БДИның уртача баллы 74 баллдан артык тәшкил иткән. Соңгы 10 елда бу нәтиҗәләр 10 баллдан артык булган. Профильле дәрәҗәдәге математика буенча уртача балл 10 ел эчендә 10 баллга арткан. Узган ел белән чагыштырганда, нәтиҗә 1,87 баллга югарырак булган.

«Безнең чыгарылыш сыйныф укучылары Казан университетларына уңышлы керә, ә 39% республикадан читтә ил һәм дөньяның иң яхшы вузларында укый. Без алар шәһәр һәм республика файдасына эшләр өчен югары квалификацияле белгечләр булып кайтырлар дип өметләнәбез», – диде И.Ризванов.

Фоторепортаж