И.Метшин: “Сез җәмгыятьнең киләчәген, аның рухи, интеллектуаль һәм эшлекле потенциалын гәүдәләндерәсез”

Татарстан башкаласы Мэры казанлыларны Яшьләр көне белән котлады.

(Казан шәһәре KZN.RU, 27-нче июнь). Казан Мэры Илсур Метшин Татарстан башкаласында яшәүчеләрне Яшьләр көне белән котлады.

Хөрмәтле дуслар!

Яшьләр көне уңаеннан ихлас котлаулар кабул итегез!

Илебезнең заманча һәм тиз үсә торган шәһәрләренең берсе буларак, Казан үзенә яшьләрне җәлеп итә һәм алар үсеше өчен мөмкинлекләр тудыра. Шәһәребездә көчле яшьләр берләшмәләренең эшен, үсеп килүче буынның үсүенә, укуына, аларга төрле яклап булышлык итүгә юнәлгән иң кыю проектларның гамәлгә ашуын күрү шатландыра.

Сез җәмгыятьнең киләчәген, аның рухи, интеллектуаль һәм эшлекле потенциалын гәүдәләндерәсез. Сезнең ярдәмегез белән шәһәребезнең һәм республикабызның киләчәге ышанычлы кулларда – зирәк, сәләтле, бары алга гына омтыла торган кешеләр кулларында икәненә ышанычыбыз зур.

Ирешкән нәтиҗәләрдә генә туктап калмавыгызны телим! Сәламәтлек, бетмәс-төкәнмәс идеяләр һәм яңа җиңүләр телим!”, - диелә котлауда.

Шулай ук укыгыз

Барлык яңалыклар