И.Метшин – коронавирусны профилактикалау чаралары турында: «Монда «без» һәм «алар»га бүленеш юк – без барыбыз да бер көймәдә»

Казан Мэры шәһәрлеләрне һәм предприятие җитәкчеләрен Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең таләпләрен үтәргә чакырды.

Фото: Денис Гордийко

(Казан шәһәре KZN.RU, 26-нчы октябрь, Алена Мирошниченко). Казан Мэры Илсур Метшин бүген эшлекле дүшәмбедә чираттагы тапкыр коронавирус инфекциясе таралуны булдырмауга юнәлдерелгән Кулланучылар хокукларын яклау һәм кеше иминлеге өлкәсендә күзәтчелек федераль хезмәте таләпләрен үтәү зарурлыгы турында искә төшерде.

«Бүгенге көндә коронавирус таралу белән бәйле вәзгыять безнең җаваплылыкка гына бәйле. Барысы да бик зур тырышлык куя, беренче чиратта, медицина хезмәткәрләре. Барлык нормаларны үтәүне эре сәнәгать предприятиеләре, бизнес җитәкчеләре, биналар, корылмалар, төрле сәүдә челтәрләре милекчеләре тәэмин итәргә тиеш», – диде шәһәр башлыгы.

«Битлек киеп йөрү, социаль дистанцияне һәм башка таләпләрне үтәү һәм Кулланучылар хокукларын яклау һәм кеше иминлеге өлкәсендә күзәтчелек федераль хезмәте күрсәтмәләре безнең өчен мәҗбүри булып тора. Бу һәркемнең иҗтимагый һәм гражданлык бурычы. Монда «без» һәм «алар»га бүленеш юк – без барыбыз да бер көймәдә. Бу безнең уртак иминлек», – дип ассызыклады И.Метшин.

Исегезгә төшерәбез, соңгы тәүлектә Татарстанда коронавирус белән авыруның 45 яңа очрагы теркәлгән, шуларның 31 очрагы – Казанда.