И.Метшин «KazanForum – 2023» турында: «Без Россиянең халыкара бергәлек белән диалогында Казанның үсә баручы роленә шат»

Зур икътисади форум Татарстан башкаласында дөньяның 80 иленнән 11 мең катнашучыны җыячак

Фото: Денис Гордийко

(Казан шәһәре KZN.RU, 15 нче май, Татьяна Марюхова). 18-19 нчы майда Татарстан башкаласында «Россия – Ислам дөньясы: KazanForum» XIV халыкара икътисади форумы узачак. Чараларда дөньяның 80 иленнән 11 мең вәкил катнашачак. Форумны Казанда уздыру бөтен ил күләмендә зур әһәмияткә ия, дип ассызыклады бүген эшлекле дүшәмбедә шәһәр Мэры Илсур Метшин.

«Бу атнада безнең җаваплы чара – 14 нче Халыкара форум «Россия – ислам дөньясы: KazanForum 2023». Бу бүгенге көндә Россиянең ислам дөньясы белән диалогында илебез өчен төп мәйданчык. Без Россиянең халыкара бергәлек белән диалогында Казанның үсә баручы роленә шат. Моның өчен без озак еллар эшләдек һәм конструктив үзара бәйләнешкә, бер-беребезгә карата ихтирамлы мөнәсәбәткә һәм партнерлык мөнәсәбәтләренә йөз тотабыз», - диде шәһәр башлыгы.

Элегрәк форумны әзерләү һәм уздыру буенча оештыру комитеты утырышы булды. ТР Рәисе Рөстәм Миңнеханов катнашындагы очрашуны РФ Хөкүмәте рәисе урынбасары, оештыру комитеты рәисе Марат Хөснуллин үткәрде. Илсур Метшин шәһәр инфраструктурасын форумга әзерләү турында сөйләде.

Фоторепортаж

Эшлекле дүшәмбе, 15.05.2023

Шулай ук укыгыз

Барлык яңалыклар