И.Гыйниятуллин: «Казанда торак-коммуналь хуҗалык хезмәтләре өчен түләүнең гомуми артуы чик индекстан артмый»

1-нче июльдән коммуналь хезмәтләрнең бәясе 2,9%-ка артачак.

(Казан шәһәре KZN.RU, 1-нче июль, Ксения Швецова). 1-нче июльдән Россиядә торак-коммуналь хезмәтләргә яңа тарифлар үз көченә керде. Казанда коммуналь хезмәтләрнең бәясе 2,9%-ка артачак, бу РФ Хөкүмәте тарафыннан билгеләнгән коммуналь хезмәтләр өчен гражданнарның түләве үсешенең чик дәрәҗәләреннән артмый. Торак хезмәтләре әлеге хезмәтләр өчен түләүне соңгы арттыруга карата 5,3%-ка артачак. Һәм бу төтен чыга торган һәм вентканалларга хезмәт күрсәтү өчен яңа хезмәтләр кертүне исәпкә алып.

Бу хакта бүген эшлекле дүшәмбе вакытында шәһәр Башкарма комитеты җитәкчесе урынбасары Искәндәр Гыйниятуллин белдерде, массакүләм мәгълүмат чараларында Табигый монополияләр проблемалары институты тикшеренүе турындагы хәбәргә фикерләрен җиткерде.

Массакүләм мәгълүмат чараларында Табигый монополияләр проблемалары институты тикшеренүләре нигезендә, Казанда һәм 2019 елның икенче яртыеллыгында миллионлы тугыз шәһәрдә торак-коммуналь хуҗалык хезмәтләре күрсәтүгә тарифларның реаль үсеше дәүләт тарафыннан билгеләнгән чикләрдән артып китәчәге турындагы хәбәр таратылды. Әмма Казанга карата бу мәгълүмат расланмый, дип билгеләде И.Гыйниятуллин журналистлар белән аралашу вакытында. «Аларның инди тариф буенча һәм төгәл нәрсәне санаганнарын аңлап булмый. Әгәр турыдан-туры безгә мөрәҗәгать итсәләр, без күрсәткечләрне бирер идек, һәм бу саннарны раслый яки кире кага алыр идек, - диде ул. – Бу хәбәрдә арттыру 4% -тан артмаска тиеш, диелә. Әмма Казан өчен иң чик үсеш индексы 4,7% күләмендә билгеләнгән. Шул ук вакытта Казанда фактик үсеш 4,6% тәшкил итә». Чик индекс бары тик коммуналь хезмәтләргә генә билгеләнә, торак тарифлары милекчеләр тарафыннан мөстәкыйль билгеләнергә тиеш һәм дәүләт тарафыннан җайга салынмый, дип өстәде И.Гыйниятуллин. «Коммуналь хезмәтләр генә җайга салына: җылылык, ут, газ, су, электр энергиясе, канализация һәм агымдагы елдан бирле каты көнкүреш калдыклары», - диде ул.

Исегезгә төшерәбез, торак-коммуналь хезмәтләргә тарифлар үзгәрү турында бүген шәһәр Башкарма комитетында узган эшлекле дүшәмбе киңәшмәсендә фикер алыштылар.