Бүген «Аккош күлендәге Гастрофест»та KVATRO һәм «Отпетые мошенники» төркемнәре чыгыш ясаячак

Килүчеләрне 40тан артык резидент ашамлыклары, шефлар ярышы һәм музыкаль программа көтә

Бүген Казанда өченче «Аккош күлендәге Гастрофест» ачылачак. Программада: 40тан артык резидент ашамлык, шефлар ярышы һәм музыкаль программа. Кичә хедлайнерлары KVATRO һәм «Отпетые мошенники» төркемнәре булачак.

Фестиваль 10:00 сәгатьтә ачылачак. Кунакларны лекторияләр, Татарстан Республикасы пешекчеләре гильдиясеннән кулинар мастер-класслар һәм шефлар көрәше көтә, анда Казан рестораннарының профессиональ пешекчеләре иң яхшылар исеме өчен көрәшәчәк һәм килүчеләрнең күз алдында җирле җитештерүчеләрнең тәкъдим ителгән яшерен ингредиентларыннан үз кулинар шедеврларын әзерләячәк.

Фуд-корт зонасы 40тан артык резидентны берләштерәчәк. Биредә шәһәр халкы һәм кунаклары традицион татар милли камыр ризыкларын, мексика бурритосын татып карый, Азия кухнясы белән хозурлана, стритфуд ризыкларын татып карый алачак.

Ярминкә зонасында үз куллары белән ясаган интерьер һәм декорны сатуга куячаклар. Натураль продукцияне республиканың фермер хуҗалыклары һәм авыл хуҗалыгы кооперативлары күрсәтәчәк.

Фестиваль тере музыка белән бергә барачак. Кунаклар алдында La Primavera Казан камера оркестры, «Прогульщики»" рок-төркеме, K3DERT, «Пару ночей» һәм «РЕЙНО» коллективлары чыгыш ясаячак. Кичәнең төп кунаклары KVATRO һәм «Отпетые мошенники» төркемнәре булачак.

Исегезгә төшерәбез, бүген 36, 36а, 46, 72, 116 нчы автобус маршрутлары хәрәкәтенең интенсивлыгы артачак. «Ремплер» тукталышыннан (Залесная урамы) Аккош күле мәйданына тиз арада һәм уңайлы барып җитәргә ярдәм итәчәк махсус шаттл йөриячәк. Шәхси транспортны парковкада калдырырга мөмкин булачак.

Фестиваль 19:00 сәгатьтә тәмамланачак.

Шулай ук укыгыз

Барлык яңалыклар