«Мирный» чаңгы-биатлон комплексының эш графигы бәйрәм көннәрендә үзгәрәчәк

Моннан тыш, гыйнварда мәйданчыкта чаңгы узышлары буенча Россия Кубогының V этабы узачак

Фото: Марат Мөгыйнов

(Казан шәһәре KZN.RU, 28 нче декабрь). «Мирный» чаңгы-биатлон комплексының эш графигы бәйрәм көннәрендә һәм чаңгы ярышлары буенча Россия Кубогының V этабын үткәрү вакытында үзгәрәчәк.

Эш режимы:

31 нче декабрь – 9:00 дән 14:00 гә кадәр;

1 нче гыйнвар – 15:00 дән 21:00 гә кадәр;

2 нче һәм 3 нче гыйнварда 9:00 сәгатьтән 21:00 сәгатькә кадәр;

4 нче гыйнвардан 8 нче гыйнварга кадәр 18:00 сәгатьтән 21:00 сәгатькә кадәр.

9-15 нче гыйнвар көннәрендә комплекс ярышларга әзерлек һәм уздыру белән бәйле рәвештә ябылачак, дип хәбәр итә Башкарма комитетның Физик культура һәм спорт комитеты. Бу көннәрдә «Мирный» спорткомплексы чаңгы узышлары буенча Россия Кубогының V этабын кабул итәчәк. Казанда Александр Большунов, Сергей Ардашев, Савелий Коростелев, Александр Терентьев, Иван Горбунов, Вероника Степанова, Мария Истомина, Лидия Горбунова һәм Дарья Непряева чыгыш ясаячак. Турнирда илнең иң яхшы 200 спортчысы катнашачак.

Исегезгә төшерәбез, Казанда башка чаңгы трассалары да эшли: Горки-Әмәт урманында, Дәрвишләр бистәсенең Каенлыгында, Юдинодагы «Локомотив» стадионында, Чебакса торак массивында, Аккош күленең урман-парк зонасында («Динамо» базасы).

Шулай ук укыгыз

Барлык яңалыклар