Казан – Кизнер электричкаларының хәрәкәт графигы 29 нчы июньнән үзгәрәчәк

Соңгы станциягә шәһәр яны поезды тугыз минут алданрак киләчәк

Фото: Денис Гордийко

(Казан шәһәре KZN.RU, 22 нче июнь). Казан – Кизнер маршрутындагы шәһәр яны поездлары үзгәртелгән расписание буенча 29 нчы июньнән йөриячәк.

Әйтик, 6924 нче электричка ТР башкаласыннан 5:12 сәгатьтә китәчәк, килүе җирле вакыт буенча 9:19 сәгатьтә (тугыз минут алданрак) көтелә, дип хәбәр иттеләр «Содружество» АҖ матбугат хезмәтендә.

Маршрутлар турында тулырак мәгълүматны «Россия тимер юллары пассажирларга» мобиль кушымтасында, шәһәр яны пассажирлар компаниясе сайтында һәм +7(937)625-04-33 телефоны буенча белергә мөмкин.

Шулай ук укыгыз

Барлык яңалыклар