ТР Дәүләт комитеты пассажирларны һәм багажны даими ташуга тарифларны билгеләүнең яңа тәртибен раслады

Яңа тәртип нигезендә дәүләт яисә муниципаль заказчы, ягъни башкарма хакимиятнең яисә җирле үзидарәнең вәкаләтле органы гариза бирүче булып тора.

(Казан шәһәре KZN.RU, 22-нче июль). ТР Тарифлар буенча дәүләт комитеты республика территориясендә даими рәвештә пассажирлар йөртү маршрутлары буенча автомобиль транспортында һәм шәһәр җир өсте электр транспортында пассажирлар һәм багаж алып баруга тарифларны билгеләүнең яңа тәртибен раслады.

Яңа тәртип нигезендә дәүләт яисә муниципаль заказчы, ягъни башкарма хакимиятнең яисә җирле үзидарәнең вәкаләтле органы гариза бирүче булып тора. Мөрәҗәгать итүче дәүләт комитетына юл йөрү өчен түләү ысулларына һәм хезмәтләр күрсәтү шартларына бәйле рәвештә тарифларны үзгәртү буенча тәкъдимнәр кертә ала.

Тарифлар буенча Дәүләт комитетына мөрәҗәгать итеп, мөрәҗәгать итүче мөрәҗәгатькә ташучы тарафыннан формалаштырылган документларны беркетергә тиеш. Тарифлар үзгәрү турындагы гаризалар белән субъектлар елга бер тапкыр гына мөрәҗәгать итә алалар.

Тарифларны билгеләү турында гаризаны гариза бирелә торган елның 1-нче июненнән дә соңга калмыйча тапшырырга мөмкин. Шулай ук 9 ай өчен арадаш бухгалтерлык хисаплылыгын формалаштыру йомгаклары буенча Дәүләт комитетына, гариза бирелә торган елның 1-нче декабреннән дә соңга калмыйча мөрәҗәгать итәргә мөмкин.

Закон нигезендә, Тәртип рәсми басылып чыккан көненнән соң 10 көн узгач, ягъни 26-нчы июльдән үз көченә керә.

Документны тулырак сылтама буенча өйрәнергә була.