Казан дәүләт автоинспекциясе Җиңү проспектында булган юл-транспорт һәлакәтенең шаһитларын эзли

Машина йөртүче 17 яшьлек велосипедчыны бәрдергән һәм авария урыныннан качкан.

Фото: Казан шәһәре KZN.RU

(Казан шәһәре KZN.RU, 26-нчы июль). Казан дәүләт автоинспекциясе 23-нче июльдә 11:10 сәгатьтә Җиңү проспектында булган юл-транспорт һәлакәте шаһитларын эзли.

Билгесез автомобиль йөртүчесе, Җиңү проспекты буенча 21-нче номерлы йорт янындагы территориядән барганда, башлангыч мәгълүматларга караганда, хәрәкәт иминлеген тәэмин итүче тизлекне сайламаган һәм 17 яшьлек велосипедчыны бәрдергән. Һәлакәт урыныннан машина йөртүче качкан.

Юл-транспорт һәлакәте нәтиҗәсендә зыян күрүче төрле дәрәҗәдәге җәрәхәтләр алган, медицина ярдәме күрсәткәннән соң травматология пунктыннан җибәрелгән.

Казан дәүләт автоинспекциясе әлеге вакыйга шаһитларын түбәндәге телефоннар буенча шалтыратуларын сорый: +7(843)533-38-19, +7(843)533-38-48.

Узган өч тәүлек эчендә Казанда 348 юл-транспорт вакыйгасы теркәлгән, шуларның 14-е зыян күрүчеләр белән. Нәтиҗәдә, 2 машина йөртүче, 6 пассажир, 2 велосипедчы, 4 җәяүле төрле дәрәҗәдәге җәрәхәтләр алган. Алынган җәрәхәтләрдән бер шофер хастаханәдә үлгән, дип хәбәр иттеләр Россия Эчке эшләр министрлыгының Казан буенча ЮХИДИ идарәсенең пропаганда бүлегендә.

Шулай ук укыгыз

Барлык яңалыклар