Казан дәүләт автоинспекциясе Красная Позиция һәм Гадел Кутуй урамнары киселешендә булган юл-транспорт һәлакәте шаһитларын эзли

Машина йөртүче 31 яшьлек җәяүлене бәрдерә һәм вакыйга урыныннан качып китә.

Фото: Денис Гордийко

(Казан шәһәре KZN.RU, 18-нче март). Казан дәүләт автоинспекциясе Красная Позиция һәм Гадел Кутуй урамнары киселешендә булган юл-транспорт һәлакәте шаһитларын эзли. Билгесез автомобиль йөртүче 31 яшьлек җәяүлене бәрдерә һәм авария урыныннан кача.

Башлангыч мәгълүматларга караганда, машина йөртүче Ершов урамы ягыннан Красная Позиция урамы буенча хәрәкәт итә, Красная Позиция һәм Гадел Кутуй урамнары киселешендә, сулга борылган вакытта юл бирми һәм җәяүлене бәрдерә. Җәүле көйләнә торган җәяүлеләр кичү юлы буенча светофорның рөхсәт итә торган сигналына күчкән.

РФ Юл хәрәкәте кагыйдәләренең 2.5 пунктын бозып, шофер һәлакәт урыныннан качып китә, дип хәбәр итә Россия Эчке эшләр министрлыгының Казан буенча ЮХИДИ идарәсенең пропаганда бүлеге. Юл-транспорт һәлакәте нәтиҗәсендә җәяүленең умыртка баганасының муен өлешенедәге капсула-бәйләвеч аппараты тартыла, медицина ярдәме күрсәтелгәннән соң хастаханәдән җибәрелә.

Авария шаһитларын +7(843)533-38-19, +7(843)533-38-48 телефоннары буенча шалтыратуларын сорыйлар.

Шулай ук укыгыз

Барлык яңалыклар