Татарстан Республикасының Дәүләт җыр һәм бию ансамбле шәһәрлеләр өчен Бауман урамында чыгыш ясаячак

Бушлай концертлар 12 нче сентябрьдән 14 нче сентябрьгә кадәр оештырыла

Татарстан Республикасының Дәүләт җыр һәм бию ансамбле артистлары Бауман урамында бушлай концерт куячак. Концертлар 12 нче сентябрьдән 14 нче сентябрьгә кадәр оештырыла.

Казанлылар өчен рус һәм чит ил җырлары, татарча бию көйләре, сугыш чоры җырлары һәм танылган совет фильмнарындагы музыкаль композицияләрдән өзекләр яңгыраячак.

Ансамбль данлыклы «Катюша», «Смуглянка» җырларын, «Иван Васильевич меняет профессию» һәм «Девчата» фильмнарындагы көйләрне, гагауз, мордва халык бию көйләрен, молдаван һәм осетин көйләрен башкарачак.

«Безнең өчен әлеге чара тыңлаучыларыбыз белән формаль булмаган шартларда очрашу мөмкинлеге булса, тамашачы өчен этник һәм халык уен кораллары - гармун, курай, Кавказ барабаннары, думбыра, скрипка белән якыннан танышу кичәсе», - диде оркестрның баш дирижеры Айрат Хәйруллин.

Мәдәни чара Казан мәчесе һәйкәле янында сәгать 16:00 да башлана.

Алда хәбәр ителгәнчә, 17–20 сентябрь көннәрендә Казанда Аксенов-фест фестивале узачак. Дүрт көн дәвамында шәһәрнең тугыз мәйданчыгында иҗади очрашулар, музыкаль кичәләр, күргәзмәләр оештырылачак, шулай ук «Йолдызлы билет» әдәби-музыкаль премиясен тапшыру тантанасы узачак.

Шулай ук укыгыз

Барлык яңалыклар