Шәһәрлеләрне Казанның икенче сыйныф укучысы башлаган «Чүпне алып куй» эстафетасына кушылырга чакыралар

Мәктәп укучылары шәһәр читендәге чүпле территорияләрне җыештыра һәм социаль челтәрләрдә үз эшләренең нәтиҗәләрен урнаштыра.

(Казан шәһәре KZN.RU, 21-нче июнь). 121-нче номерлы лицейның икенче сыйныфында укучы Казан укучысы Тамерлан Фазлыев «Чүпне алып куй» проект-марафонын башлап җибәрде. Актив шәһәрлеләрне яшь казанлының экологик эстафетасына кушылырга өндиләр.

Проектка кушылу өчен, шәһәр читендә чүпле территорияне табарга, аны фотога төшерергә, аннан соң тәртип урнаштырырга кирәк. Аннары катнашучыларга Instagramга җыештырганчыга кадәр һәм җыештырганнан соң төшерелгән фотоларны #проектмусор хештегын куеп урнаштырырга һәм үзләренең дусларын һәм танышларын экологик акциягә кушылырга чакырырга кирәк.

Тамерлан үзе 10 квадрат метр мәйданлы территорияне җыештырып проектка старт бирде. «Бер укучы 10-га 10 адымга исәпләнгән территорияне җыештырса, безнең сыйныф кына да 4 гектар җирне чистартачак, - дип исәпләп чыгарган укучы, – Әйдәгез табигатьне бергә коткарыйк!».

Шулай ук укыгыз

Барлык яңалыклар