Мәскәү театры гимнастлары Татар ашлары йорты фасадында вертикаль бию башкарачак

13-нче июльдә ТР башкаласы халкы һәм кунаклары «Казан буйлап сәяхәт» куелышын күрәчәкләр.

(Казан шәһәре KZN.RU, 10-нчы июль). 13-нче июльдә ТР башкаласы халкы һәм кунаклары Татар ашлары йорты фасадында (Бауман ур., 31/12) гадәти булмаган «Казан буйлап сәяхәт» куелышын күрәчәкләр, Мәскәү урам театры гимнастлары вертикаль бию башкарачак.

Чыгыш үзенчәлекле музыкаль композицияләр, сабын куыклары, конфетти, шулай ук төтен машиналарын куллану белән үрелеп барачак, ә бина диварында Казанның төп истәлекле урыннары һәм күренешләре сурәтләнәчәк.

Тамашачылар DJ BubbleGum музыка сетын тыңлый, конкурста катнаша һәм чараның партнерларыннан махсус бүләк ота ала, дип хәбәр итә ТР Туризм буенча Дәүләт комитеты матбугат хезмәте.

Чара 20.30 сәгатьтә башлана.

Шулай ук укыгыз

Барлык яңалыклар