В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
23.11.2023, 17:21
ТР Гидрометүзәге: Казанда төнлә -17 градуска кадәр суыта
Көндез синоптиклар кар вәгъдә итә, аерым районнарда – буран
Фото: Марат Мөгыйнов
(Казан шәһәре KZN.RU, 23 нче ноябрь). Ял көннәрендә татарстанлыларны кар, буран һәм томан көтә. Бу хакта республиканың Гидрометүзәге кисәтә.
Казанда 24 нче ноябрь төнендә һәм иртәсендә урыны белән томан көтелә. Термометр баганалары -15..-17 градуска кадәр төшәчәк. Көндез кар, аерым районнарда буран, урыны белән секундына 15-18 метрга кадәр җил булачак. Максималь һава температурасы -5..-7 градус тәшкил итәчәк, юлларда бозлавык барлыкка килергә мөмкин.
Ял көннәрендә, 25 нче һәм 26 нчы ноябрьдә, синоптиклар фаразлавынча, татарстанлыларны җепшек кар көтә, ул яңгырга күчәчәк. Республиканың аерым районнарында бураннар, томан һәм бозлавык булачак. 25 нче ноябрь көнне көндез температура фоны -3..+1 градус тәшкил итәчәк, 26 нчы ноябрь – 0 дән +2 градуска кадәр.
Дүшәмбе, 27 нче ноябрьдә, явым-төшем көтелми диярлек. Төнге сәгатьләрдә температура 0..-3 градус тәшкил итәчәк, көндез 0..+3 градуска кадәр җылытачак. Сишәмбе, 28 нче ноябрьдә, кар явачак дип фаразлана һәм көндез 0..-3 градус салкын көтелә.
Шулай ук укыгыз
-
28.11.2025, 16:14 -
28.11.2025, 16:02 -
28.11.2025, 15:05 -
28.11.2025, 14:31