Француз футболчылары “Казан Аренада” Аргентина командасын җиңде

Француз футболчылары “Казан Аренада” Аргентина командасын җиңде

<p> (Казан шәһәре KZN.RU, 30-нчы июнь, Алсу Сафина). Бүген Казанда 1/8 финал матчында Франция җыелма командасы 4:3 хисабы белән Аргентина командасын җиңде. Француз командасы өчен “Казан Арена” чын мәгънәсендә уңышлы стадион булды. Биредә ул 16 июньдә Австралия командасын 2:1 хисабы белән җиңгән иде.<br> </p> <p> Хисапны 13-нче минутта Антуан Гризманн ачты, ул Иран арбитры Алиреза Фагани билгеләгән пенальтины гамәлгә ашырды. Беренче тайм азагында, 41-нче минутта, Аргентина командасы футболчысы Анхель Ди Мария күп сандагы Аргентина уенчыларын шатландырып, хисапны тигезләде. </p> <p> Аргентина футболчылары икенче таймның өченче минутында француз командасы капкасына тагын бер туп кертте, гол авторы Габриэль Меркадо булды. </p> <p> Француз футболчылары да бирешергә җыенмады – 57-нче минутта Бенжамен Павар аргентиналыларга гол кертте. Тагын 7 минуттан соң Франция командасын лидерлыкка Килиан Мбаппе чыгарды, тагын 4 минуттан тагын бер кол кертте, хисап 4:2 булды. </p> <p> Аргентина җанатарларының өметләре сүрелә барды, ә футболчылары хисапны тигезли алмады. Очрашу азагында, өстәмә вакытның 3-нче минутында, Серхио Агуэро гол кертте һәм хисап 3:4 булды. Җиңелеп, Көньяк Америка җыелма командасы чемпионаттан китә. Француз футболчылары мундиальнең чирек финалына үтте. </p> <p> Аргентина һәм Франция матчы Казанда 42 мең 873 тамашачы җыйды. Әлегә бу “Казан Аренадагы” матчларның рекорды булып тора. </p> <p> Әлеге матчка Казанга танылган Аргентина футболчысы Диего Марадона һәм Көньяк Америка җыелма командасының 77 яшьлек җанатары Карлос Паскуаль Тула килде. </p> <p> Аргентина командасы килүенә Казан үзәгендә, футболчылар тукталган кунакханә янында команда капитаны Лионель Месси сурәте белән паблик-арт барлыкка килде. </p> <p> Бүгенге уен Казанда узарга тиешле бишенче уен булды. Соңгы матч “Казан Аренада” 6 июльдә узачак. </p>

2018-06-30T19:28:44+0300