Гуанчжоудагы Кантон ярминкәсендә Казан турында фотоэкспозиция күрсәттеләр

Күргәзмә Россия һәм Кытай шәһәрләре арасында алты яклы килешүгә кул куюга багышлана

Фото: Казан шәһәр Думасының Халыкара һәм муниципальара элемтәләр идарәсе

(Казан шәһәре KZN.RU, 29 нчы август). 25-28 нче август көннәрендә Гуанчжоуда узган импорт һәм экспорт товарларының Кантон ярминкәсендә Казан турында фотокүргәзмә тәкъдим ителде. Экспозиция Казан, Уфа, Екатеринбург, Хабаровск һәм Кытайның Гуанчжоу һәм Цицикар шәһәрләре арасында алты яклы килешү имзалауга багышланды.

Казан белән Гуанчжоу арасындагы хезмәттәшлек инновацион эшчәнлекне алга сөрүгә, муниципалитетларның халыкара статусын һәм тормыш дәрәҗәсен күтәрүгә юнәлдерелгән. Шулай ук килешү мәдәният, мәгариф, спорт, фән, сәламәтлек саклау, туризм, сәнәгать һәм сәүдә өлкәләрендә тәҗрибә уртаклашуны күздә тота, дип хәбәр иттеләр Казан Башкарма комитетының Халыкара һәм муниципальара элемтәләр идарәсендә.

Узган ел Казан белән Гуанчжоу арасында тугандаш мөнәсәбәтләр урнаштыру турында килешү имзалануга 10 ел тулды. Бу вакыт эчендә төрле өлкәләрдә ныклы элемтәләр урнаштырыла, үзара визитлар башкарыла.

Шулай ук укыгыз

Барлык яңалыклар