Фәрит Гобәев казанлылар белән очрашачак һәм үзенең иҗаты турында сөйләячәк

Чарада фотограф үзенең эксклюзив эшләрен тәкъдим итәчәк.

Фото: Денис Гордийко

(Казан шәһәре KZN.RU, 19 нчы апрель). ТР Милли китапханәсендә фотограф Фәрит Гобәев белән очрашу оештырыла. Чарада ул үзенең иҗаты турында сөйләячәк һәм эксклюзив эшләрен күрсәтәчәк.

Фәрит Гобәев – Татарстан Республикасының атказанган сәнгать эшлеклесе, Россия Рәссамнар берлеге әгъзасы, Россия фоторәссамнар берлегенең мактаулы әгъзасы. Узган гасырның 70 нче еллары ахырында Мәскәү сәнгать белгечләре Казан фотография мәктәбе дип билгеләгән «Тасма» бәйсез фотографлар төркемен җитәкли.

Фотограф «Бәллүр каләм» X журналистлар конкурсының «Объектив аша караш» номинациясендә лауреат булып тора, шулай ук ул берничә тапкыр әлеге конкурсның жюри составына кергән.

Ф.Гобәевның эшләре республика, бөтенсоюз һәм халыкара фотокүргәзмәләрдә югары бәя ала. Ул – Казанда, Мәскәүдә, Санкт-Петербургта, Вильнюста, Ригада һәм Таллинда, Парижда һәм Амстердамда, Вашингтонда һәм Нью-Йоркта, Кобургта 30 шәхси күргәзмә авторы.

Очрашу 20 нче апрельдә 16:00 сәгатьтә була. Катнашу өчен теркәлергә кирәк, дип хәбәр итә ТР Милли китапханәсенең матбугат хезмәте.

Исегезгә төшерәбез, август аенда ТР Дәүләт сынлы сәнгать музееның «Хәзинә» милли галереясында Фәрит Гобәевның фотокүргәзмәсендә Казан Мэры Илсур Метшин булды. Шәһәр башлыгы фоторәссамның эшләрен югары бәяләде. Аерым алганда, ул композитор София Гобәйдуллинаның фотолары яңартылган П.И.Чайковский исемендәге 1 нче номерлы музыка мәктәбенең стеналарын бизи алыр иде, биредә ул белем алган бит, дип билгеләп үтте.

Шулай ук укыгыз

Барлык яңалыклар