Казанның социаль көнкүреш музее экспонатларын мәскәүлеләр күрә алачак

Казанның социаль көнкүреш музее экспонатларын мәскәүлеләр күрә алачак

<p> (Казан шәһәре KZN.RU, 17-нче декабрь, Алинә Бережная). Бүген Мәскәү шәһәр Думасында Казан Социалистик көнкүреш музееның Яңа елга багышланган "Бәхетле балачак" күргәзмәсе ачыла. Анда совет чорындагы уникаль балачак предметлары җыелган.<br> </p> <p> "Бәхетле балачак" - ул экспозиция генә түгел, ә бирегә килүчеләр совет чорындагы балачакка чумачак вакыт аралыгында сәяхәт. Күргәзмәдә 70-80 еллардагы 500-гә якын әйбер тәкъдим ителгән, алар арасында мәктәп кирәк-яраклары, кием-салым, балалар уенчыклары бар. Социаль көнкүреш музее директоры Рөстәм Вәлиәхмәтов сүзләренә караганда, әлеге экспозиция өлешчә Казанда күрсәтелгән. </p> <p> Мәскәүдә күргәзмә ачылышында РСФСРның халык артисты Ренат Ибраһимов үз җырларын башкарачак, шулай ук мәртәбәле кунаклар арасында Россия кинокритигы Марк Рубинштейн да көтелә. </p> <p> Күргәзмәне 14 гыйнварга кадәр карарга була. </p>

2018-12-17T11:15:15+0300