Яңалыклар
28.09.2022, 14:30
Казанда Зур Крыловка урамы буенча хәрәкәт этаплап чикләнәчәк
Аерым участокларда юллар 30 нчы сентябрьдән 26 нчы октябрьгә кадәр ябылачак.
Фото: Марат Мөгыйнов
(Казан шәһәре KZN.RU, 28 нче сентябрь). 30 нчы сентябрьдән 26 нчы октябрьгә кадәр Казанның Зур Крыловка урамы буенча хәрәкәт чикләнәчәк. Бу квартал эчендәге җылылык челтәрләрен реконструкцияләү белән бәйле. Тиешле боерыкка шәһәр Башкарма комитетында кул куелды.
Юл өлешенең участоклары берничә этапта ябылачак:
30 нчы сентябрьдән 6 нчы октябрьгә кадәр Кече Крыловка урамындагы 27 нче номерлы торак йорт янындагы трамвай юллары янында Серов һәм Мулланур Вахитов урамнары юнәлешендә ике үзәк полоса ябылачак;
7-12 нче октябрьдә шул ук участокта дублер юллар янындагы ике кырый полосаны ябачаклар;
13-19 нчы октябрьдә Мулланур Вахитов урамы юнәлешендә Кече Крыловка урамындагы 27 нче номерлы торак йорт янындагы дублер юл буенча хәрәкәт тулысынча чикләнәчәк;
20 нче октябрьдән 26 нчы октябрьгә кадәр Беренче Вольная урамы буенча 24 нче номерлы торак йорт янындагы дублер юл тулысынча ябылачак.
Исегезгә төшерәбез, 30 нчы октябрьгә кадәр ТР башкаласында Мулланур Вахитов урамы буенча Зур Крыловка урамы белән кисешкән урында җирле юл һәм тротуар буенча хәрәкәт тулысынча ябылган.
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
