Татарстанлыларны ялларда яңгыр һәм юеш кар көтә

Татарстанлыларны ялларда яңгыр һәм юеш кар көтә

<p> Иртәгә, 25 нче октябрьдә, Татарстанда аязучан болытлы һава сакланачак. Көндез республикада кыска вакытлы яңгыр көтелә, һава температурасы +4..+9 градусны тәшкил итә. </p> <p> Бүген төнлә Казанда кыска вакытлы яңгыр явачак, урыны белән җилнең тизлеге секундына 14 метрга кадәр җитәчәк. Термометр баганалары +3 градустан +5 градуска кадәр күрсәтәчәк. Көндез яңгырлы болытлы һава торышы сакланачак, һава +6..+8 градуска кадәр җылыначак. </p> <p> Шимбә республикада урыны белән кыска вакытлы яңгырлар явачак, кайбер районнарда юеш кар яварга мөмкин. Төнлә синоптиклар 0 дән +3 градуска кадәр, көндез – +2 градустан +7 градуска кадәр булыр, дип фаразлый. </p> <p> Температураның тагын да түбәнәюе якшәмбе, 27 октябрьдә көтелә. Төнлә термометр баганалары -2..+3 градуска кадәр төшәчәк. Көндез кайбер районнарда яңгыр яисә юеш кар явуы ихтимал, температура +1..+6 градустан югары булмаячак. </p> <p> Киләсе атна башында төнлә температура -3..+2 градуска кадәр төшәчәк. 28-29 октябрь көннәрендә синоптиклар +2..+7 градус фаразлый. ТР Гидрометеорология үзәге фаразлавынча, дүшәмбе көнне юеш кар һәм яңгыр явуы ихтимал. </p>

2024-10-24T16:41:56+0300