Көндез һава 22-24 градуска кадәр җылыначак.
(Казан шәһәре KZN.RU, 11-нче июль). Иртәгә, 12-нче июль көнне, Казанда яшен, секундына 16 метрга кадәр кыска вакытлы җил булуы ихтимал. Тулаем алганда, синоптиклар алмашынучан болытлы һава торышы фаразлый, урыны белән яңгыр була дип җиткерәләр.
Җомгага каршы төндә көньяктан уртача җил исәчәк. Һава температурасы +13-15 градус тәшкил итәчәк. Көндез җил көньяк-көнчыгышка юнәлешен алыштырачак, ә һава 22-24 градуска кадәр җылыначак.
Татарстанның башка шәһәрләрендә һәм районнарында шулай ук алмашынучан болытлы һава торышы көтелә, урыны белән кыска вакытлы яңгыр һәм яшен фаразлана. Көньяк һәм көньяк-көнчыгыштан талгын җил исәчәк, яшен вакытында көчле җил булачак. Аның тизлеге урыны белән секундына 15-18 метрга кадәр җитәчәк. Төнлә Татарстанда минималь һава температурасы +10-15 градус тәшкил итәчәк, көндез термометр баганалары 19-24 градуска кадәр күтәреләчәк, дип хәбәр итә ТР Гидрометеорология һәм әйләнә-тирә мохитне күзәтү идарәсе.