Казанда татар телендә сөйләшү клубының икенче очрашуы узачак

Казанда татар телендә сөйләшү клубының икенче очрашуы узачак

<p> </p> <div class="detail-picture"> <img src="https://kzn.ru/upload/iblock/166/DEN_4703-870.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 15 нче июнь). Кабан күле яр буенда Казанда татар телендә сөйләшү клубының очрашулары дәвам итә. 16 нчы июньдә узачак икенче чарада кан донорлыгының мөһимлеге турында сөйләшәчәкләр. <p> </p> <p> Клуб катнашучылары донорлык турында «Росплазма» Казан филиалының медицина технологы Сирень Гайсина белән сөйләшәчәкләр, ә клуб җитәкчесе Лилия Низамова татар теле белемнәре белән бүлешә алырлык кешеләр турында фикер алышырга тәкъдим итәчәк. </p> <p> Очрашуга, татар телен нинди дәрәҗәдә белүләренә карамастан, барлык теләүчеләр дә килә ала, дип хәбәр иттеләр Казанның парклар һәм скверлар дирекциясендә. Клубтагы дәресләр казанлыларга һәм шәһәр кунакларына тел киртәләрен җиңәргә, яңа сүзләр өйрәнергә, алган күнекмәләрне кулланырга һәм тел мохитенә чумарга ярдәм итәчәк. </p> <p> Дәрес 18:00 сәгатьтә башлана. Очрашу урыны – таллар янындагы кызыл эскәмияләр (Сәлимҗанов урамы буенча чыгу урыны янында). Керү ирекле, алдан <a target="_blank" href="https://docs.google.com/forms/d/e/1FAIpQLSeStusWtZZ1FVwfQbFa2yxi7cG6t-a9x8uLQZxIPi5MnyNCpg/viewform">теркәлергә</a> кирәк. </p> <p> Быел татар телендә сөйләшү клубы очрашулары «Элемтә» дистанцион сәламәтлек мониторингы сервисы ярдәмендә <a target="_blank" href="https://kzn.ru/meriya/press-tsentr/novosti/budushchie-mamy-kazani-mogut-otslezhivat-svoe-samochuvstvie-v-mobilnom-prilozhenii-svyaz/">уза</a>. </p>

2022-06-15T11:16:59+0300