Солтан Габәши яшәгән йорт Казанда узачак БРИКС саммитына реставрацияләнәчәк

Бинаның фасады яңартылачак һәм тәрәзәләре иске үрнәк буенча торгызылачак

Фото: Денис Гордийко

Казанда БРИКС саммитына мәдәни мирас объекты төзекләндереләчәк. Бу 1922-1932 елларда композитор Солтан Габәши яшәгән йорт. Бина Лобачевский урамы, 12/32 адресы буенча урнашкан. Тикшерү нәтиҗәләре күрсәткәнчә, тышкы стеналар һәм фасадлар авария хәлендә. Шуңа күрә реставрация эшләре башкарылачак, дип хәбәр ителә Мәдәни мирас объектларын саклау буенча ТР комитеты сайтында.

Проект буенча йортның фасады реставрацияләнәчәк һәм цоколь өлеше ремонтланачак. Сакланып калган тарихи үрнәкләр нигезендә яңа тәрәзә уемнары ясалачак, шулай ук керү өлешендәге ике якка ачылмалы пыялалы ишекләр һәм фасадның декоратив элементлары торгызылачак. Проектның заказчысы – «Главстрой РТ» ДБУ.

Ике катлы бина XIX гасырның беренче яртысында төзелгән һәм торак архитектура һәйкәле булып санала. Анда үз заманы өчен әле туып кына килүче модерн мотивлары белән соңгы ампир һәм эклектика стилендәге фрагментлар уңышлы яраша. XIX гасыр ахырында Карл Маркс урамы ягыннан йортка яңа секция төзелгән.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар