Татарстанда сезон ачылганчы сулыкларда коену тыела – Гадәттән тыш хәлләр министрлыгы

Май башыннан республикада су коенган вакытта ике кеше һәлак булган, тагын икесен коткарып калга алганнар.

Фото: Марат Мугинов

(Казан шәһәре KZN.RU, 15-нче май). Татарстанда әле коену сезоны ачылмаган. Шуңа бәйле рәвештә сулыкларда коену, шул исәптән махсус җиһазландырылган пляжларда, бүгенге көндә тыелган, дип хәбәр иттеләр Россия Гадәттән тыш хәлләр министрлыгының ТР буенча Баш идарәсе матбугат хезмәтендә.

Май башыннан республикада су коенган вакытта ике кеше һәлак булган, тагын икесен коткарып калга алганнар. Үлем очракларын булдырмау өчен су объектларында мобиль патруль төркемнәренең махсус рейдлары уздырыла. Җиһазландырылмаган урыннарда коенган өчен хокук бозучыларны 1 меңнән 1,5 мең сумга кадәр штраф көтә. Күзәтүсез коенучы балаларның ата-аналары балигъ булмаганнарны тәрбияләү бурычларын үтәмәү факты билгеләнгән очракта административ җаваплылыкка тартылырга мөмкин.

Статистика буенча суда үлүнең 80%-ка якыны җиһазландырылмаган һәм тыелган урыннарда коену вакытында була. Үлем сәбәпләре булып су һәм һава температурасы төшү аркасында көзән җыеру һәм йөрәк-үпкә спазмнары, чумганда су астында яткан предметларга бәрелү.

Россия Гадәттән тыш хәлләр министрлыгының ТР буенча Баш идарәсендә салкын суда коену көзән җыеруга – мускулларның кискен һәм бик авыр кыскаруына китерергә мөмкин, дип искә төшерә. Кояшта кызган кеше кинәт бозлы суга чумганда, йөрәк туктарга яки температура төшүгә бәйле рефлектор спазмы аркасында сулыш алу тукталышы булырга мөмкин.

Күп кенә вакыйгалар таныш булмаган урында чуму белән бәйле. Су төбендә чокырлар, агач ботаклары, ташлар һәм башка төрле предметлар ятарга мөмкин.

Моннан тыш, кечкенә балаларны күзәтүсез калдырырга ярамый, чөнки алар тиз арада бата.

Шулай ук суда үлүнең төп сәбәпләренең берсе – исерек килеш коену.