5 июльгә кадәр Казанда Коломна урамында хәрәкәт өлешчә ябылды

Участокта квартал эчендәге җылыту челтәрләрен капиталь ремонтлау буенча эшләр бара.

(Казан шәһәре KZN.RU, 6-нчы май). Казанда 5-нче июльгә кадәр Коломна урамында хәрәкәт өлешчә ябылды. Хәрәкәтне чикләү 12-нче йорттан 4-нче йортка кадәр гамәлгә ашырыла. Тиешле боерыкка шәһәр Башкарма комитетында кул куелды.

Участокта квартал эчендәге җылыту челтәрләрен капиталь ремонтлау эшләре алып барыла, диелә документта.