17 февральгә кадәр җайга салына торган эшчәнлек төрләрен гамәлгә ашыручы оешмалар ТР Тарифлар буенча Дәүләт комитетына 2019 елгы эш турында хисап тапшырырга тиеш

Мәгълүматны ТР Ягулык-энергетика комплексы һәм торак-коммуналь хуҗалык оешмалары тарифларын фаразлауның һәм анализлауның бердәм мәгълүмати-аналитик системасы аша җибәрергә кирәк.

(Казан шәһәре KZN.RU, 16-нчы гыйнвар). Җайга салына торган эшчәнлек төрләрен гамәлгә ашыручы оешмаларга 17-нче февральгә кадәр 2019 елгы эш йомгаклары буенча финанс-хуҗалык эшчәнлегенең көтелгән күрсәткечләре турында мәгълүмат бирергә кирәк.

Мәгълүматны Татарстан Республикасында Ягулык-энергетика комплексы һәм торак-коммуналь хуҗалык оешмалары тарифларын фаразлауның һәм анализлауның бердәм мәгълүмати-аналитик системасы аша җибәрергә кирәк. Бердәм мәгълүмати-аналитик система шаблоннары форматында соратып алына торган мәгълүматлар арасыннан 2019 елда оешма эшчәнлеге күрсәткечләренең бухгалтерлык хисаплылыгын, 2019 елда оешма эшчәнлеге күрсәткечләрен (торак-коммуналь хезмәтләрнең үзкыйммәтен калькуляцияләү) җибәрергә кирәк. Шаблоннар «Бердәм мәгълүмати-аналитик система» федераль дәүләт мәгълүмати системасы аша җибәрелгән, шулай ук Дәүләт комитеты сайтында «Документлар», «Җайга салына торган эшчәнлек төрләрен гамәлгә ашыручы оешмаларга» бүлегендә урнаштырылган.

Расланган финанс планыннан факттагы күрсәткечләр шактый кире кагылган, шулай ук дәүләт тарафыннан җайга салына торган хезмәтләр күрсәтү өлкәсендә тискәре финанс нәтиҗәсе булган очракта, Дәүләт комитетына җентекле исәп-хисаплар һәм нигезләмәләр белән аңлатма язмасын тапшырырга кирәк.

Коммуналь хезмәтләр күрсәтү туктатылган яки оешма бетерелгән очракта, бу хакта Дәүләт комитетына язмача хәбәр итәргә, раслый торган документларны хатка кушып җибәрергә кирәк.

«2019 елгы эш йомгаклары буенча оешмаларның финанс-хуҗалык эшчәнлегенең көтелгән күрсәткечләре турында» мәгълүмат хаты белән сылтама буенча танышырга мөмкин.

Шулай ук укыгыз

Барлык яңалыклар