«Ак чәчәк көннәре»: Казанда казаяклар, нәркисләр һәм космеялар ясау буенча мастер-класслар узачак

Эшләнмәләрне хәйрия ярминкәсендә куячаклар, ә җыелган акчаны мохтаҗларга җибәрәчәкләр

«Ак чәчәк көннәре» хәйрия фестивале алдыннан Казанда акция символын булдыру буенча мастер-класслар узачак. Эшләнмәләрне ярминкәдә 21 июльдә күрсәтәчәкләр. Чәчәк сатудан җыелган акчалар мохтаҗларга ярдәм итү өчен җибәреләчәк.

Чәршәмбе көнне, 3 июльдә, теләге булган һәркем органзадан ак казаяклар ясарга өйрәнәчәк. гофра кәгазеннән нәркисләр булдырырга 10 июльдә мөмкин булачак. Фоамираннан космеяларны мастер-классларда 17 июльдә ясыйлар.

«Игелекле Казан» хезмәтендә хәбәр итүләренчә, дәресләр 18:00 сәгатьтә Сабан урамы 1б адресы буенча старт ала.

«Ак чәчәк көннәрен» үткәрү традициясе патша Россиясендә башлана. Моннан бер гасыр элек мондый хәйрия чараларында патша Романовлар йорты әгъзалары катнашкан. Императрица Александра Федоровна үзенең кызлары белән чиккән һәм ак чәчәкләр ясаган. Җыелган акчаларны авыруларга ярдәмгә һәм сәламәтлек саклау оешмаларына җибәргәннәр.

Шулай ук укыгыз

Барлык яңалыклар